Trosolwg o'r swydd

Chi fydd yr unig Ymgynghorydd Seicoleg penodol ar gyfer Lymffoedema yn y Deyrnas Unedig a bydd yn ofynnol i chi gyflwyno llwybrau clinigol ar gyfer Therapïau Seicolegol i bobl sydd â Lymffoedema a Lipoedema/Lipalgia. Byddwch yn ymuno â’r Tîm Lymffoedema Cenedlaethol sefydledig ac arobryn gan gefnogi Gofal Iechyd Seiliedig ar Werthoedd ac osgoi amrywio diangen er mwyn sicrhau bod gwasanaethau’n cael eu darparu yn y modd mwyaf effeithiol ac effeithlon. 

Bydd deiliad y swydd yn darparu arweinyddiaeth broffesiynol a strategol sy’n cyfrannu at ddatblygu fframweithiau strategol a gweithredol ar gyfer rheoli, asesu a gweithredu gwasanaethau therapi seicolegol o ansawdd uchel, wedi’u seilio ar dystiolaeth.

Bydd gennych lwyth achosion clinigol arbenigol iawn, gan gynnwys sesiynau grŵp ac ymyriadau unigol rhithwir ac wyneb yn wyneb. Mae Lymffoedema Cymru yn gweld plant ac oedolion, felly bydd llwyth achosion cymysg.

Byddwch yn datblygu strategaethau a chynlluniau gwasanaeth, yn cwblhau gwerthusiadau ar gyfer Llywodraeth Cymru a ddarparodd y cyllid, ac yn sicrhau bod targedau cenedlaethol yn cael eu bodloni gyda mesuriadau gwrthrychol priodol, a mesurau canlyniadau a phrofiadau a adroddir gan gleifion. Byddwch yn gweithio’n agos gyda’r Ymchwilwyr Lymffoedema Cenedlaethol gan sicrhau bod y data a gesglir  gan gynnwys cyflwyniadau mewn cynadleddau cenedlaethol/rhyngwladol.

Cynhelir y swydd hon gan Fwrdd Iechyd Prifysgol Bae Abertawe, ond rôl genedlaethol ydyw ar gyfer Cymru gyfan.

Prif ddyletswyddau'r swydd

Byddwch yn helpu i ddatblygu’r Gweithlu Therapi Seicolegol ar draws Lymffoedema Cymru, gan uwchsgilio staff lymffoedema presennol a gweithio gyda seicolegydd arall i gefnogi strwythurau mentora, goruchwylio a llywodraethu. Bydd hyn hefyd yn cynnwys goruchwylio myfyrwyr Seicoleg ledled Cymru.

Datblygu Cynllun Strategol Seicoleg ar gyfer Lymffoedema Cymru a chreu bwrdd i gefnogi’r rhaglen.

Dehongli canllawiau proffesiynol, cenedlaethol a rhyngwladol ar ymyriadau seicolegol er mwyn datblygu cynlluniau o fewn Rhwydwaith Clinigol Lymffoedema Cymru i gyflwyno Therapi Seicolegol yn unol â Matrics Cymru.

Gweithredu fel adnodd arbenigol gan ddarparu arbenigedd, arweiniad a gwasanaeth ymgynghori datblygedig i broffesiynau, asiantaethau a rhanddeiliaid eraill yn seiliedig ar dablau tystiolaeth cenedlaethol a strategaethau ar gyfer darparu therapïau seicolegol. Meithrin partneriaethau cadarnhaol ag asiantaethau allanol a sefydliadau partner y GIG.

Gweithio i'n sefydliad

Credwn mai staff yw ein hased gorau ac rydym am ichi fod yn hapus ac yn hyderus ynglyn a dechrau eich gyrfa yma ym Mwrdd Iechyd Prifysgol Bae Abertawe. Fel un o'r grwpiau gofal iechyd mwyaf yn y DU, gallwn gynnig cyfoeth o gyfleoedd hyfforddi a datblygu proffesiynol mewn sefydliad arloesol, blaengar. Efallai eich bod yn nyrs neu'n feddyg, efallai eich bod yn arbenigo mewn gwyddor iechyd / therapi neu'n gallu cynnig sgiliau yn un o'n gwasanaethau cymorth - mae gennym swydd i chi. Mae yna hefyd brentisiaethau, lleoliadau gwaith a rolau gwirfoddoli ar gael. Rydym yn gyflogwr cynhwysol ac yn croesawu ceisiadau gan bawb beth bynnag fo'u rhyw; crefydd neu gred; ras; oed; cyfeiriadedd rhywiol; hunaniaeth rhyw neu, p'un a ydynt yn feichiog neu wedi bod ar gyfnod mamolaeth yn ddiweddar, yn briod neu mewn partneriaeth sifil; neu, os ydyn nhw'n anabl. Mae ein gwerthoedd – Gofalu am ein gilydd, Cydweithio a Yn gwella bob amser, yn dangos bod ein hymrwymiad i gydraddoldeb wrth wraidd popeth a wnawn. Os ydych chi eisiau cyfleoedd gyrfa a hyfforddiant rhagorol wrth fyw ar stepen drws rhai o olygfeydd mwyaf ysblennydd Ewrop, gyda holl fanteision dinas sy'n ffynnu a chosmopolitaidd - edrychwch ymhellach.