Trosolwg o'r swydd

Mae hwn yn gyfle cyffrois i ymuno â'n gwasanaeth Cyn-asesu Endosgopi a'i arwain. Mae'n wasanaeth cymharol “ifanc” a'r cyntaf yng Nghymru i ddarparu'r math hwn o ofal i'n cleifion.

Byddwch yn mynd ati mewn modd effeithiol i reoli'r cymysgedd sgiliau yn y tîm nyrsio ac adnoddau eraill er mwyn darparu gofal diogel, effeithlon, o safon uchel i'r cleifion sydd wedi cofrestru i gael triniaethau endosgopi. 

Bydd deiliad y swydd yn gweithio gyda'r timau amlddisgyblaethol, yn cynnwys prif nyrsys endosgopi, rhestrau aros, meddygon teulu, a meddygon ymgynghorol. 

Yn rôl Nyrs Arweiniol y Grŵp Cynghori ar y Cyd, bydd deiliad y swydd yn goruchwylio llwybr achredu y Grŵp Cynghori ar y Cyd o'r dechrau i'r diwedd, gan sicrhau bod y broses asesu'n cael ei rheoli mewn modd effeithiol ac yn unol â safonau ansawdd uchel ledled holl unedau'r Bwrdd Iechyd.

Byddwch yn arwain y broses o ddarparu cyngor arbenigol mewn perthynas â safonau gofynnol y Grŵp Cynghori ar y Cyd, e.e. rheoli archwiliadau, canllawiau, trefniadau gweithredu safonol, taflenni i gleifion, a gwelliannau i'r gwasanaeth. 

Cynhelir y cyfweliadau ar 30/04/25

Prif ddyletswyddau'r swydd

Yn gyfrifol am ddarparu gofal effeithiol ac effeithlon i gleifion y gwasanaeth cyn-asesu ledled y Bwrdd Iechyd ar safleoedd dynodedig y Bwrdd. 

Byddwch yn gweithio mewn tîm amlddisgyblaethol a byddwch yn gallu darparu arweinyddiaeth glinigol, bod yn fentor ac yn esiampl dda, rheoli gofal cymhleth i gleifion, ac arwain y gwasanaeth cynasesu endosgopi.

Darparu cyngor clinigol arbenigol ac optimeiddio elfennau cyn llawdriniaeth y gwasanaeth gofal amdriniaethol i gleifion, gan gysylltu ag endosgopyddion a chlinigwyr i hyrwyddo diwylliant gwaith tîm. 

Darparu arweinyddiaeth glinigol, reoleiddiol a phroffesiynol i'r holl staff yn y gwasanaeth cyn-asesu. 

Cefnogi aelodau'r tîm ehangach i gyflawni eu prosiectau, yn ogystal â chyfrannu at y gwaith o lunio polisïau a gweithdrefnau. 

Bydd deiliad y swydd yn goruchwylio llwybr achredu y Grŵp Cynghori ar y Cyd o'r dechrau i'r diwedd, gan sicrhau bod y broses asesu'n cael ei rheoli mewn modd effeithiol ac yn unol â safonau ansawdd uchel ledled pob un o'r pedair uned yn y Bwrdd Iechyd.

Byddwch yn arwain y gwaith o ddarparu cyngor ac arweiniad arbenigol sy'n ymwneud â materion nyrsio ar gyfer y Grŵp Cynghori ar y Cyd. Byddwch yn sicrhau eich bod yn gwybod beth yw'r wybodaeth ddiweddaraf am unrhyw ganllawiau newydd o ran rhaglen achredu y Grŵp Cynghori ar y Cyd.

Byddwch yn cynrychioli unedau Endosgopi ledled Bwrdd Iechyd Prifysgol Hywel Dda, ac yn llysgennad ar eu cyfer

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.