Trosolwg o'r swydd

Mae Sgrinio Llygaid Diabetig Cymru (DESW) yn rhan o Iechyd Cyhoeddus Cymru (ICC). Ni sy'n darparu’r gwasanaeth cenedlaethol sy'n sgrinio ar gyfer retinopathi diabetig, i helpu i achub golwg ac rydym yn chwilio am unigolyn brwdfrydig ac ymroddedig sy'n awyddus i ymuno â’n tîm yn nhîm Gorllewin Cymru. Bydd y swydd hon yn gyfle cyffrous i fod yn rhan o wasanaeth deinamig, gan ymdrechu i wella canlyniadau a gofal cleifion drwy ddarparu gwasanaeth sgrinio o ansawdd uchel i boblogaeth ddiabetig Cymru, sydd ar gynnydd.

Bydd yr ymgeisydd llwyddiannus yn weithiwr nyrsio proffesiynol uchel ei gymhelliant sy'n meddu ar y gallu i addasu a chanolbwyntio ar ddarparu gwasanaethau gofal iechyd o ansawdd mewn lleoliad cleifion allanol. Bydd gennych sgiliau cyfathrebu rhagorol, ynghyd â'r gallu i gefnogi ac arwain staff sgrinio a meithrin perthnasoedd cydweithredol â phobl sy'n gweithio yn DESW, ICC a'n rhanddeiliaid ehangach.

Byddwch yn cefnogi Rheolwr y Rhaglen gyda'r gwaith o arwain y swyddogaeth Sgrinio o fewn rhanbarth daearyddol diffiniedig a byddwch yn gyfrifol am hyfforddi a datblygu ein staff sgrinio.  Byddwch hefyd yn cyfrannu at roi trefniadau gweithredu safonol ar waith, gan sicrhau y gwneir defnydd cyson o bolisïau, safonau, protocolau a fframwaith rheoli perfformiad DESW.

Prif ddyletswyddau'r swydd

Byddwch hefyd yn chwarae rhan allweddol yn y gwaith o gyflwyno ein rhaglen gwella a moderneiddio sy'n datblygu, gan gynnwys y cyfle i arwain prosiectau Cymru gyfan. Fel rhan o dîm rheoli nyrsys bach, byddwch yn cefnogi Nyrs Arweiniol y Rhaglen i hyrwyddo rhagoriaeth glinigol drwy oruchwylio, archwilio ac annog ymarfer sy'n seiliedig ar dystiolaeth. Bydd hyn yn cynnwys y cyflawniadau allweddol canlynol:

Darparu gwasanaeth o ansawdd uchel, sy’n glinigol ddiogel ac effeithlon

Darparu swyddogaeth sgrinio o ansawdd uchel

Cyflawni set o dargedau perfformiad y cytunwyd arnynt

Byddwch yn deall cymhlethdodau darparu gofal sy'n canolbwyntio ar yr unigolyn i'r rhai â chyflyrau hirdymor ac yn ddelfrydol bydd gennych brofiad o weithio o fewn gwasanaethau diabetig neu offthalmoleg.

Os oes gennych y profiad, yr ymrwymiad a'r awydd i sicrhau bod ein staff a'n gwasanaeth yn gweithredu ar eu gorau, yna hoffem glywed gennych.  Bydd yr ymgeisydd llwyddiannus yn cefnogi staff yn ein swyddfeydd rhanbarthol yn Gorllewin Cymru.  Yn achlysurol, gofynnir i chi hefyd weithio ledled Cymru fel rhan o’n gwasanaeth cenedlaethol.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg fel ei gilydd wneud cais.

Gweithio i'n sefydliad

Iechyd Cyhoeddus Cymru yw Sefydliad Iechyd Cyhoeddus Cenedlaethol Cymru. Ein gweledigaeth yw 'Gweithio i gyflawni dyfodol iachach i Gymru'. Rydym yn chwarae rhan ganolog wrth ysgogi gwelliannau yn iechyd a llesiant y boblogaeth, lleihau anghydraddoldebau iechyd, gwella canlyniadau gofal iechyd, diogelu'r cyhoedd a chefnogi'r gwaith o ddatblygu iechyd ym mhob polisi ledled Cymru.

Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd. Rydym yn sefydliad sy'n rhoi ein hunain wrth wraidd cefnogi pobl, cymunedau, partneriaid a Llywodraeth Cymru wrth fynd i'r afael â'r heriau mawr hyn a darparu atebion ar gyfer gweithredu.

Caiff ein sefydliad ei arwain gan ein gwerthoedd “Cydweithio, gydag ymddiriedaeth a pharch, i wneud gwahaniaeth”. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)