Trosolwg o'r swydd

MAE’R SWYDD HON AM GYFNOD PENODOL/SECONDIAD AM 11 MIS OHERWYDD AR GYFER SECONDIAD. 

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Bydd deilydd y swydd yn datblygu system gweithgaredd Theatr cyfunol, cronfa ddata neu daenlen gymhleth a'i chynnal, gan sicrhau eu bod yn addas at y diben, a bydd yn datblygu ac yn hyrwyddo cofnodi gweithgaredd a dangosyddion gwaith, i wella dadansoddi gwybodaeth theatr, ac i ddarparu gwybodaeth rheoli o ansawdd uchel i gynorthwyo gwneud penderfyniadau.

 Mae disgwyl i ddeilydd y swydd ddarparu cefnogaeth dechnegol arbenigol a chyngor proffesiynol ar gyfer bob agwedd o Weithgaredd Theatr.  Bydd hyn yn cynnwys ymchwilio i ymholiadau a dadansoddiad perfformiad cymhleth iawn ar lefel GRhG, Arbenigedd, Meddyg Ymgynghorol neu lefel claf hyd yn oed.

Prif ddyletswyddau'r swydd

Darpariaeth prosesu gwybodaeth theatr gywir, amserol a dibynadwy yn unol â chanllawiau a gweithdrefnau, drwy gwblhau eich gwaith eich hun, a drwy gydlynu gwaith eraill.

 Darparu cymorth a chefnogaeth i Reolwyr, ac ymgymryd ag ymchwiliad i amrywiaethau a dadansoddiadau cymhleth, gan awgrymu gweithredu cywirol perthnasol i Reolwyr fel bo'n briodol.

 Cynhyrchu system ar gyfer cynllunio gweithgaredd theatr a'i chynnal i alluogi rheolwyr i ddyrannu staff yn effeithlon, ac ymateb yn ddiogel ac yn hyblyg i newid arferion.   Bydd hyn yn cynnwys cydweithredu’n agos â Meddygon Ymgynghorol ac Anaesthetwyr.

 Archwilio cyfleoedd ar gyfer amserlennu sesiynau theatr/llawdriniaethau yn well, a lleihau canslo apwyntiadau ac adrodd i'r Timau Rheoli Clinigol.  Cynorthwyo i weithredu sesiynau brys drwy gofnodi gwybodaeth a darparu adroddiadau priodol ar weithgaredd.

 Cysylltu â Llywodraeth Cymru a chasglu, cyfuno a darparu ffurflenni data amserol a chywir ar gyfer Dangosyddion Perfformiad Allweddol Cymru Gyfan, gweithgaredd a chanslo triniaethau ar gyfer Theatrau.

 Dadansoddi a thrin setiau data cymhleth i gynhyrchu gwybodaeth rheoli o ansawdd uchel ar gyfer uwch reolwr y Bwrdd Iechyd a staff clinigol o fewn yr Uwch Adran.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.