Trosolwg o'r swydd

Mae swydd wag ar gael o fewn y Gwasanaeth Awdioleg ar gyfer Awdiolegydd Cynorthwyol i gynorthwyo gyda’r gwaith o ddarparu gwasanaeth Awdioleg o ansawdd uchel i boblogaeth Gogledd Cymru a wasanaethir gan BIPBC. Bydd deilydd y swydd yn mynd i’r afael â dyletswyddau o fewn y gwasanaeth Awdioleg i Oedolion fel y disgrifir yn y swydd ddisgrifiad. Lleolir y swydd yn Ysbyty Gwynedd. Bydd y rolau'n cael eu cyflawni mewn lleoliadau cleifion allanol ar draws yr ardal a wasanaethir gan BIPBC. Bydd cyfrifoldeb i hyfforddi a goruchwylio staff clinigol eraill lle bo'n briodol.

Prif ddyletswyddau'r swydd

Bydd y Gwyddonydd Cynorthwyol Gofal Iechyd yn yr adran Awdioleg yn darparu ymyriadau

gyda phatholegau / anableddau clyw arferol / nad ydynt yn gymhleth yn ogystal ag ystod o ddyletswyddau gweinyddol.

Gellir mynd i’r afael â’r gwaith clinigol ym mhrif safle’r ysbyty, bydd amrywiaeth o safleoedd ymylol ac fe all gynnwys ymweliadau â’r cartref.

NID yw’r Cynorthwyydd Awdioleg yn ymarferydd annibynnol, a bydd angen goruchwyliaeth glinigol a mentora yn ystod amserlen arferol y diwrnod gwaith.

Mae’r prif ddyletswyddau’n cynnwys cynnal profion sgrinio clyw, trwsio cymhorthion clyw, otosgopi a chymryd argraffiadau clywedol. Bydd angen gweithio yn unol â phrotocolau y cytunwyd arnynt yn lleol ac yn genedlaethol ar y cyd â chwmpas ymarfer ac atebolrwydd.

Bydd yr Ymarferydd Cynorthwyol yn derbyn addysg, hyfforddiant a sgiliau priodol er mwyn ei alluogi i gyflawni'r dyletswyddau hyn.

Mae'r rôl hon yn cynnwys teithio i ardaloedd daearyddol eraill felly mae trwydded yrru DU a mynediad i gerbyd at ddibenion gwaith yn ddymunol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swyddi hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch a'n tim a chael y cymorth sydd ei angen arnoch, yn unol a’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.