HealthJobsUK

Trosolwg o'r swydd

Ar hyn o bryd mae gennym gyfle yn ein Hadran Gwasanaethau Porthora i unigolyn brwdfrydig, llawn cymhelliant i weithio yn Ysbyty Maelor Wrecsam ac ar draws safleoedd Cymunedol.

Bydd deilydd y swydd yn ymateb i geisiadau ar gyfer symud cleifion a nwyddau mewn modd priodol ac amserol i ddarparu gwasanaeth cynhwysfawr ac effeithlon. Bydd hyn yn cynnwys codi, trosglwyddo, gwthio a thynnu pwysau sylweddol gyda chymhorthion mecanyddol, ble mae asesiad risg wedi dynodi'r angen i ddefnyddio'r rhain, gall y rhain gynnwys tryciau paledi a sachau, wagenni llusgo a yrrir a rhai llaw / symudyddion trydanol, dringwyr grisiau ayyb. 

Mae’r Bwrdd Iechyd yn cynnig amodau gwaith rhagorol gan gynnwys hawl hael i wyliau â thâl, tâl uwch am weithio ar y penwythnos a chyfle i ymuno â’r Cynllun Pensiwn Blwydd-dal.

Rydym yn cynnig cytundeb cyflogaeth parhaol ar gyfer y swydd ganlynol:

 1 Swydd llawn amser (37.5 awr yr wythnos) – gweithio 5 diwrnod yr wythnos ar rota i gynnwys nosweithiau, penwythnosau a gwyliau banc.

 Cyfraddau cyflog yw £11.62 yr awr, gyda chyfraddau uwch ar gyfer gwaith a wneir ar ddydd Sadwrn (£16.73 yr awr) a dydd Sul (£21.85 yr awr).

Mae hon yn rôl sy'n gofyn yn gorfforol. Os yw hyn i gyd yn swnio fel chi a bod gennych yr awydd a'r brwdfrydedd i wneud gwahaniaeth gydag ymdeimlad allweddol o ofal cwsmeriaid a ffocws i'w ddarparu, rydym am glywed gennych chi heddiw. 

Prif ddyletswyddau'r swydd

Mae Gwasanaethau Porthora yn darparu cefnogaeth hanfodol i bob rhan o'r ysbyty. Disgwylir i'r porthor ymateb i amrywiol heriau o fewn yr amgylchedd waith, ac efallai y bydd y llwyth gwaith yn cynyddu oherwydd dylanwadau allanol yn cynnwys yr amgylchedd, tywydd, capasiti cleifion ayyb.  Bydd y porthor yn gweithio fel rhan o dîm yn cyfrannu at redeg y gwasanaeth yn esmwyth, gan ddarparu ymateb effeithlon ac effeithiol i symud cleifion, gan gynorthwyo mewn sefyllfaoedd brys, casglu samplau a meddyginiaethau ayyb a'u darparu, wrth sicrhau bod tasgau eraill megis danfon y troli bwyd, llieiniau, nwyddau a phost ac ati yn cael eu gwneud yn amserol. Er bod nifer o'r tasgau yn rhai rheolaidd yn gyffredinol, gall swyddogaeth ddyddiol y gwasanaeth fod yn anrhagweladwy o bosibl, felly mae dull hyblyg yn hanfodol, a bydd disgwyl i ddeilydd y swydd ddefnyddio ei synnwyr cyffredin ei hun.

Mae’r gallu siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.