Trosolwg o'r swydd

Ydych chi'n fferyllydd clinigol brwdfrydig, llawn cymhelliant a dynamig, sydd yn dymuno gweithio o fewn Tîm Clinigol uchel ei barch mewn rôl sy'n cynnig cyfleoedd i ddatblygu clinigau rhagnodi o fewn clefyd cronig yr arennau a dilyniant trawsblaniad arennau? 

Wedi'i leoli yn ein hunedau dialysis, mae'r rôl hon yn ddelfrydol ar gyfer fferyllydd sy'n ceisio cynyddu gwybodaeth glinigol arennol a sgiliau rhagnodi i’r eithaf, tra hefyd yn ehangu profiad arweinyddiaeth glinigol. Cewch eich cefnogi gan Dimau Arennol Gogledd Cymru a'r Rhwydwaith Clinigol i gyfrannu at archwilio a llywodraethu clinigol i ddatblygu canllawiau a llwybrau clinigol.  Bydd digon o gyfle i ehangu agwedd glinigol y rôl ac anogir hyn yn weithredol gan y tîm neffroleg ymgynghorol a nyrsys arbenigol. 

Fel tîm, mae gennym ymrwymiad cryf i hyrwyddo ymarfer clinigol fferylliaeth ac ymgorffori systemau optimeiddio meddyginiaethau effeithiol mewn gofal cleifion ar draws y system gyfan.  Felly, rydym yn chwilio am unigolion sydd â sgiliau trefnu a chyfathrebu da sy'n awyddus i fod yn rhan o ddatblygiad pellach gwasanaethau clinigol ac sy'n gallu herio'r sefyllfa sydd ohoni yn ofalus. 

Bydd yr ymgeisydd llwyddiannus yn chwarae rhan ddylanwadol yn llwybr gofal y cleifion tra’n adeiladu ar sgiliau clinigol profedig drwy arwain tîm, gwiethio’n amlddisgyblaethol a chydweithredol, o fewn gofal sylfaenol ac eilaidd.

Prif ddyletswyddau'r swydd

•  Arwain gwasanaeth fferylliaeth glinigol arbenigol diogel ac effeithiol i'r ardal ddyranedig
• Ymgymryd â dyletswyddau proffesiynol a chlinigol fferyllwyr
• Rhoi cyngor a chymorth fferyllol arbenigol mewn gwasanaethau gofal cychwynnol ac eilaidd, yn ôl yr angen.
• Datblygu, annog a hybu defnydd cost effeithiol o feddyginiaethau, wedi'u seilio ar dystiolaeth.
• Bod yn gysylltiedig â hyfforddi fferyllwyr diploma, cyn cofrestru a fferyllwyr eraill ym maes yr arbenigedd.
• Helpu i roi hyfforddiant clinigol a goruchwylio staff fferyllfa a gweithwyr gofal iechyd proffesiynol eraill.
• Bod yn gysylltiedig â datblygu a chyflwyno ymchwil arfer, gwasanaeth a gwella ansawdd       
• atblygu polisïau, protocolau a chanllawiau mewn ardal ddyranedig. Gweithio mewn partneriaeth â defnyddwyr gwasanaeth, cydweithwyr iechyd a gofal cymdeithasol eraill, i sicrhau'r canlyniad iechyd gorau posibl i ddefnyddwyr gwasanaet

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.