HealthJobsUK

Trosolwg o'r swydd

Mae Adran Arlwyo Ysbyty Maelor Wrecsam yn darparu prydau, byrbrydau a diodydd i gleifion, staff ac ymwelwyr. Mae Arweinydd y Tîm Cogyddion yn aelod allweddol o'r tîm ac mae'n gyfrifol am gyflawni ystod o ddyletswyddau sy'n ymwneud â chynhyrchu a gweini bwyd mewn cegin brysur. Bydd Arweinydd y Tîm Cogyddion yn gweithio'n agos gyda Goruchwylwyr Arlwyo, y Cydgysylltydd Arlwyo a rheolwyr, i sicrhau bod y gwasanaethau Arlwyo yn ateb y gofynion maeth a dietegol perthnasol sy'n deillio o anghenion clinigol, crefyddol a diwylliannol.

Rydym yn chwilio felly am unigolyn brwdfrydig, dibynadwy, llawn cymhelliant, sydd â City & Guilds 706/1, 706/2 neu gymwysterau cyfwerth, ynghyd â Thystysgrif Hylendid Bwyd Lefel 2 neu sy'n gweithio tuag at ddechrau'r cwrs. Byddai o fantais hefyd i fod â phrofiad o weithio fel Cogydd sydd yn darparu ar gyfer niferoedd mawr.

Prif ddyletswyddau'r swydd

Bydd cyfrifoldebau Arweinydd y Tîm Cogyddion yn cynnwys:

• Paratoi a choginio prydau o gynhwysion sylfaenol amrwd a pharatoi prydau arbenigol a brynir i mewn a bwydydd wedi’u rhewi i’w coginio
• Cynorthwyo Goruchwylwyr Arlwyo i oruchwylio staff o ddydd i ddydd
• Cynnal amgylchedd glân a diogel yn y gegin

Mae angen i Arweinydd y Tîm Cogyddion feddu ar sgiliau gwaith tîm, arwain, cyfathrebu a threfnu da. Mae angen iddynt fod yn hunan-gymhelliol, yn gallu gweithio heb oruchwyliaeth, i fod ag agwedd hyblyg o ran newidiadau sifftiau ac i fod yn gyfeillgar a phroffesiynol.

Mae’r Bwrdd Iechyd yn cynnig amodau gwaith rhagorol gan gynnwys hawl hael i wyliau â thâl, tâl uwch am weithio ar benwythnosau, a chyfle hefyd i ymuno â’r Cynllun Pensiwn.

Rydym yn cynnig cytundeb cyflogaeth parhaol a bydd oriau gwaith fel a ganlyn:

• 35 awr yr wythnos – gan weithio cyfuniad o 6.00am i 1.30pm a/neu 09.30am i 5.00pm, i gyflenwi lle bo’r angen ar rota sy'n cynnwys Gwyliau Banc a phenwythnosau yn unol ag anghenion y gwasanaeth.

Rydym yn cynnig cyflog o £11.85 yr awr, gyda chyfraddau uwch am waith a wneir ar ddydd Sadwrn (£16.23 yr awr), ac ar ddydd Sul (£20.61 yr awr). Darperir hefyd ffurfwisg /dillad addas.

Mae'r gallu i siarad Cymraeg yn ddymunol ar gyfer y swydd hon; Mae croeso i siaradwyr Cymraeg a/neu Saesneg wneud cais fel ei gilydd.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.