HealthJobsUK

Trosolwg o'r swydd

Mae theatrau llawdriniaethol Bae Abertawe ar hyn o bryd yn recriwtio Ymarferwyr Anesthetig, Sgryb ac Adfer ar fand 5 AfC.

Ym Mwrdd Iechyd Prifysgol Bae Abertawe, rydym yn manteisio ar ddatblygiad unwaith mewn oes ac yn cymryd y camau cyntaf tuag at ein nod o greu canolfannau rhagoriaeth ar gyfer Theatrau ac i wella llwybrau cleifion ar draws y tri safle theatr.Bydd y datblygiad yn cynnwys cynyddu capasiti llawdriniaeth dydd yn Ysbyty Singleton, Canolfan Rhagoriaeth Orthopedig ar gyfer De-orllewin Cymru yn Ysbyty Castell-nedd Port Talbot ac yn sefydlu’r anghenion brys a dewisiol aml-arbenigedd cymhleth sydd eu hangen yn y rhanbarth yn Ysbyty Treforys.

Rydym yn chwilio am unigolion llawn cymhelliant, brwdfrydig, deinamig ac ymrwymedig i ymuno â’n tîmau Theatr Lawdriniaethol egnïol a bywiog ar y daith gyffrous hon.

Os ydych yn Nyrs Gofrestredig neu’n Ymarferydd i’r Adran Lawdriniaethol, gyda chofrestriad proffesiynol yn y DU, hoffem glywed gennych chi. Rydym yn croesawu ymgeiswyr sydd â phrofiad theatr neu’r rhai sydd yn edrych am sialens newydd.Bydd ymgeiswyr nad oes ganddynt brofiad theatr blaenorol yn mynychu rhaglen hyfforddiant a chymorth lawn i roi’r sgiliau y mae ein staff eu hangen iddynt. Mae swyddi rhan amser a llawn amser ar gael.

Prif ddyletswyddau'r swydd

Bydd angen i’r ymgeisydd llwyddiannus ddangos hyblygrwydd. Pan fo gwasanaeth yn mynnu, mae angen i staff weithio ar draws y tri safle ysbyty ym Mwrdd Iechyd Prifysgol Bae Abertawe.

Rydym yn ymrwymo i ddatblygu eich cymhwysedd proffesiynol ac i ddatblygu eich sgiliau trwy ddysgu ac addysg i wneud y gorau o’ch rhagolwg gyrfa. Rydym wedi cefnogi rhaglenni addysgol gyda Phrifysgol Cymru, Abertawe i gefnogi eich datblygiad proffesiynol parhaus.

Mae dogfennaeth theatr yn cael ei recordio’n electronig, felly mae sgiliau TG yn angenrheidiol.

Bydd y swydd yma’n cynnwys gofalu am gleifion o fewn yr adran theatr, sydd wedi cael amrywiaeth o weithdrefnau llawdriniaethol o lawer o arbenigeddau, a bydd disgwyl i chi reoli gofal claf trwy gydol y cyfnod amdriniaethol.

Byddwch yn rhan o dîm ysgogol sydd yn ymrwymedig i sialensiau o amgylchedd sydd o hyd yn newid, a bydd disgwyl i chi ddod yn aelod effeithiol ac effeithlon o’r tîm.

Mae hyn yn rôl heriol yn gorfforol a meddyliol, a bydd angen i’r ymgeisydd llwyddiannus dangos ei gallu i ffynnu mewn gwasanaeth deinamig, cyflym sydd yn rhoi gofal claf wrth wraidd yr hyn a wnawn. 

Gweithio i'n sefydliad

Rydym yn credu mai ein staff yw ein hased gorau ac rydym eisiau i chi fod yn hapus ac yn hyderus am ddechrau eich gyrfa yma ym Mwrdd Iechyd Bae Abertawe.

Fel un o’r grŵpiau iechyd mwyaf yn y DU, rydym yn gallu cynnig cyfoeth o hyfforddiant proffesiynol a chyfleoedd datblygu mewn sefydliad arloesol a blaengar. 

Efallai rydych yn nyrs neu’n feddyg, efallai rydych yn arbenigo mewn gwyddorau iechyd / therapi neu rydych yn cynnig sgiliau mewn un o’n gwasanaethau gofal – mae gennym swydd i chi.

Hefyd mae yna brentisiaethau, lleoliadau gwaith a rôlau gwirfoddoli ar gael.

Rydym yn gyflogwr cynhwysol ac yn croesawu ceisiadau gan bawb waeth beth fo’u rhywedd; eu crefydd neu eu cred; eu hil; eu hoedran; eu cyfeiriadedd rhywiol; eu hunaniaeth rhywedd neu a ydynt yn feichiog neu wedi bod ar gyfnod absenoldeb mamolaeth yn ddiweddar, wedi’i briodi neu mewn partneriaeth sifil; neu os maen nhw’n anabl.

Ein gwerthoedd – Gofal am Ein Gilydd, Cydweithio a Gwella bob amser, i ddangos ein hymrwymiad i gydraddoldeb sydd wrth wraidd popeth a wnawn.

Os ydych eisiau cyfleoedd gyrfa a hyfforddiant ardderchog wrth fyw ar stepen ddrws o rai o olygfeydd fwyaf trawiadol Ewrop, gyda’r holl fuddiannau o ddinas gosmopolitaidd ffyniannus – nid oes angen edrych yn bellach.