HealthJobsUK

Trosolwg o'r swydd

Mae cydran ddeintyddol y swydd hon yn cynnwys rhoi triniaeth ddeintyddol i 
gleifion sy’n blant ac yn oedolion mewn clinigau, unedau deintyddol symudol a lleoliadau yn y cartref yn unol a chynllun triniaeth Deintydd.

Prif ddyletswyddau'r swydd

Mae angen Therapydd Deintyddol brwdfrydig i ymuno â Gwasanaeth Deintyddol Cyffredinol sy’n tyfu ym Mhowys.

Bydd y cyfle hwn yn caniatáu i unigolyn weithio o fewn cwmpas ei (h)arfer mewn amgylchedd gweithio cefnogol, gydag offer rhagorol ar gael i’w defnyddio, lle bo gofal yn brif ganolbwynt. Anogir unigolion i ddatblygu sgiliau clinigol, a bydd cydweithwyr eraill yn y tîm yn eu cefnogi. Anogir gweithio dan drefniadau mynediad uniongyrchol.

Mae’r tîm yn cynnwys gweithwyr medrus sy’n Nyrsys Deintyddol, Therapyddion Deintyddol, cydweithwyr adferol, endodontig, gofal arbennig a llawdriniaeth y geg a’r wyneb.

Mae’r gallu i siarad Cymraeg yn ddelfrydol ar gyfer y swydd hon; mae croeso i  ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor.

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.