HealthJobsUK

Trosolwg o'r swydd

Cyfle eithriadol i fod yn arweinydd ar drawsnewid clinigol ym maes Gofal Heb ei Drefnu o fewn Bwrdd Iechyd Addysgu Powys. Croesewir ceisiadau gan y ddau Uwch Ymarferydd Clinigol sydd â chefndir mewn Adran Achosion Brys/Gofal Brys ac Ymgynghorwyr mewn Meddygaeth Frys.   Mae ein natur wledig a’n hardal brin ei phoblogaeth yn golygu nad oes gennym y màs critigol o bobl yn lleol i ddarparu Ysbyty Cyffredinol Dosbarth ym Mhowys. Felly, rydym yn talu i drigolion Powys dderbyn gwasanaethau gofal brys ac arbenigol mewn ysbytai y tu allan i'r sir yng Nghymru a Lloegr. Fel y nodir yn ein Cynllun Integredig, mae Powys yn bwrw ymlaen â’r Model Cynaliadwy Cyflymedig, yn unol â’r gwaith trawsnewid ar gyfer y 6 Nod ar gyfer Gofal Brys ac Argyfwng, i ddatblygu ein harlwy gofal brys i gwrdd â phoblogaeth Powys nawr ac yn y dyfodol. . Byddai’r rôl hon yn rhan annatod o lunio gweledigaeth y cynnig hwn, gydag arweiniad arbenigedd clinigol a phrofiad gofal brys yn allweddol i’n cynllunio.     Mae hon yn swydd allweddol, yn darparu arweinyddiaeth glinigol, gwneud penderfyniadau ac argymhellion i gefnogi trawsnewid, dysgu ac arloesi ym maes gofal heb ei drefnu BIAP. Bydd deiliad y swydd yn cynorthwyo i drawsnewid y cynnig gofal brys a heb ei drefnu ym Mhowys, gan greu amgylchedd a system o ddiogelwch, ansawdd a gwelliant yn seiliedig ar anghenion a chanlyniadau cymunedol.

Prif ddyletswyddau'r swydd

Bydd deiliad y swydd yn darparu gallu arbenigol i gynghori a gwneud penderfyniadau ar safonau ac arferion gofal heb ei drefnu, ar draws y sbectrwm o ddatblygu polisi perthnasol lle bo angen, a gallai hyn gynnwys arwain ar ddatblygu polisi ar gyfer materion, pynciau a llwybrau penodol.  Gan arwain ar yr agenda llywodraethu clinigol sy’n cefnogi rhaglen 6 Nod ar gyfer Gofal Brys ac Argyfwng GIG Cymru, bydd y Rhaglen Strategol ar gyfer Gofal Sylfaenol yn elfen hollbwysig o’r rôl.   Cefnogi penderfyniadau clinigol ynghylch y gwasanaeth presennol ac yn y dyfodol o fewn gofal heb ei drefnu a gofal brys gyda dealltwriaeth fanwl o'r cynnig gofal brys sy'n unigryw i Bowys.   Arwain ar ddatblygu a thrawsnewid gwasanaethau Gofal Heb ei Drefnu a llwybrau clinigol yn unol â Chynllun Tymor Canolig Integredig BIAP.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.