HealthJobsUK

Trosolwg o'r swydd

Mae yna gyfle newydd  ar gyfer Cynorthwyydd Gweinyddol Banc i ddarparu cymorth cynhwysfawr, desg flaen/ gweinyddol.

Bydd deiliad y swydd yn gweithredu fel pwynt cyswllt cyntaf i'r adran a bydd yn gyfrifol am amrywiaeth o ddyletswyddau gweinyddol a chlerigol, gan gynnwys rheoli galwadau sy'n dod i mewn, ymholiadau a threfnu apwyntiadau cleifion.

Bydd angen i ddeiliad y swydd fod â sgiliau trefnu ardderchog a bydd gofyn iddynt ddangos llythrennedd cyfrifiadurol priodol.  

Prif ddyletswyddau'r swydd

Rheoli galwadau ffôn ac ym holiadau sy’n dod i mewn, a allai fod yn gymhleth ac yn sensitif eu natur, cymryd negeseuon yn fanwl gywir, eu hanfon ymlaen yn brydlon a sicrhau cyfrinachedd.

Ymgymryd â dyletswyddau clercaidd ar ffurf derbyn cleifion a nodi pan maen nhw wedi cyrraedd a chofnodi manylion cleifion. Adalw cofnodion blaenorol cleifion sy’n mynychu i gael triniaeth ddeintyddol, gan ddefnyddio meddalwedd ddeintyddol. 

Cyfathrebu â chleifion i sicrhau bod hanes meddygol, ffurflenni cydsynio ac unrhyw wybodaeth berthnasol arall sydd eu hangen yn cael eu llenwi pan y mae cleifion yn cyrraedd.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch a thim y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG a phobl o gymuned y Lluoedd Arfog.