HealthJobsUK

Trosolwg o'r swydd

Bydd y Cynorthwyydd Gweinyddol yn darparu gwasanaeth cymorth gweinyddol/y brif ddesg cynhwysfawr i’r adran. 
 
Bydd hyn yn cynnwys;
• Gweithredu fel pwynt cyswllt cyntaf i’r adran.
• Ateb galwadau ffôn a nodi negeseuon yn gywir.
• Delio ag ymholiadau arferol ac arbenigol mewn modd dymunol a defnyddiol, 
trwy gyfathrebu gwybodaeth berthnasol i’r adrannau/person priodol, 
gan atgyfeirio at eraill lle bo hynny hefyd yn briodol.
• Llungopïo a phrosesu dogfennau, llythyron, e-byst, cofnodion ac adroddiadau lle bo angen.
• Diweddaru systemau electronig a systemau papur, casglu gwybodaeth, dosbarthu post a logio ac ati.

Prif ddyletswyddau'r swydd

Delio gyda, a throsglwyddo galwadau yn ôl yr angen mewn modd proffesiynol a chwrtais,  gan weithredu fel llysgennad i’r sefydliad ym mhob agwedd o gyfathrebu.
Bydd hyn yn cynnwys;
• Darparu a derbyn gwybodaeth arferol gan aelodau staff, cleifion ac 
asiantaethau allanol eraill. Bydd amgylchiadau’n codi pan fydd y galwr 
yn orbryderus, yn yr achos hwn bydd deiliad y swydd yn defnyddio, sgiliau tawelu meddwl a diplomyddiaeth.
• Casglu, agor a chydnabod post ac e-byst o fewn terfynau amser penodedig. 
 
• Cofnodi negeseuon yn gywir a'u hanfon ymlaen yn amserol at y person perthnasol.
• Ymateb i, a datrys problemau bob dydd sy'n codi o fewn yr adran, 
 a hefyd ymateb i ymholiadau gan uwchgyfeirio lle bo angen.
• Ymateb a chyfleu gwybodaeth gyfrinachol am gleifion i adrannau eraill, asiantaethau allanol, cleifion a gofalwyr er mwyn hwyluso gofal a chymorth i'r timau clinigol. 
• Trin gwybodaeth gyfrinachol gyda disgresiwn ac yn unol â gofynion diogelu data. 

• Cymryd cofnodion/nodiadau gweithredu o gyfarfodydd ad hoc yn ôl yr angen.
• Bydd y gwaith a wneir yn cael ei adolygu ar adegau y cytunir arnynt.

Croeso i ymgeiswyr sy’n siarad Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.