HealthJobsUK

Trosolwg o'r swydd

Mae’r Cynorthwyydd Arlwyo Gwasanaethau Gwesty’n gyfrifol i’r Goruchwyliwr Gwasanaethau Gwesty am wneud amrywiaeth o ddyletswyddau arlwyo, gan gynnwys paratoi diodydd, byrbrydau, saladau, brechdanau a bwffes a choginio prydau bwyd poeth i gleifion a hefyd i staff yn y Bwrdd Iechyd. Bydd yn gwneud dyletswyddau eraill perthnasol sy’n gysylltiedig â’r gweithrediad arlwyo ac, o bryd i’w gilydd, y rheini a orchmynnir i gefnogi’r Tîm Gwasanaethau Gwesty ehangach e.e. glanhau neu dasgau porthor. 

Prif ddyletswyddau'r swydd

Rydym am recriwtio Cynorthwywyr Arlwyo banc ym Llanidloes

Byddwch yn cefnogi darpariaeth leol gwasanaethau arlwyo gwasanaethau gwesty a gweithgareddau cyfleusterau cysylltiedig, gan sicrhau eu bod yn cael eu darparu ar y lefelau y cytunwyd arnynt a'u bod yn cydymffurfio'n llawn â'r holl ddeddfwriaethau priodol a pholisïau a gweithdrefnau lleol. Bydd angen i chi fod yn hunan-gymhellol, bod ag agwedd hyblyg at waith, gallu gweithio fel rhan o dîm a'r gallu i weithio ar eich menter eich hun. Mae profiad blaenorol yn fantais, ond nid yn hanfodol, gan y bydd hyfforddiant llawn yn cael ei roi. Byddwch yn gweithio fel rhan o rota a all gynnwys gyda'r nos ac ar benwythnosau. Gwahoddir pob ymgeisydd i wneud cais yn Gymraeg, ni fydd unrhyw gais a gyflwynir yn Gymraeg yn cael ei drin yn llai ffafriol na chais a wneir yn Saesneg. Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.