Trosolwg o'r swydd

Mae cyfle unigryw a chyffrous wedi codi i unigolyn eithriadol gael ei benodi fel Gweinyddwr y Ganolfan Cefnogi a Chyflenwi.

Mae’r swydd hon am gyfnod penodol o 12 mis i gyflenwi dros gyfnod mamolaeth.

Bydd angen bod gan ddeiliad y swydd sgiliau cyfathrebu rhagorol, meddu ar ymagwedd gadarnhaol a hyblyg tuag at anghenion y Gwasanaeth, y gallu i gael ei ysgogi, yn barod ar gyfer yr her nesaf ac yn mwynhau gweithio fel rhan o dîm prysur iawn.

Gall y swydd gau'n gynnar os derbynnir ceisiadau digonol.

Prif ddyletswyddau'r swydd

Bydd gan ddeiliad y swydd y dyletswyddau a chyfrifoldebau canlynol: 

• Darparu cymorth gweinyddol cynhwysfawr i uwch staff o fewn Ymchwil Iechyd a Gofal Cymru.

• Gweithredu fel y pwynt cyswllt cyntaf ac yn delio â'r holl ymholiadau, gohebiaeth, e-byst a galwadau ffôn gan randdeiliaid ar draws seilwaith Ymchwil Iechyd a Gofal Cymru a thu hwnt gan gynnwys staff eraill y GIG a Gofal Cymdeithasol ac aelodau o'r cyhoedd, mewn modd proffesiynol, gan drosglwyddo ymholiadau at aelod perthnasol y tîm mewn modd amserol.

• Disgwylir i chi ymgymryd ag amrywiaeth o ddyletswyddau gweinyddol, gan gynnwys gwasanaethau ysgrifenyddiaeth, rheoli dyddiaduron, llungopïo, argraffu, a rheoli post a pharseli sy'n dod i mewn ac yn mynd allan.

• Byddwch yn gweithio gyda Gweinyddwyr Canolfan Cymorth a Chyflenwi eraill i ddarparu gwasanaeth effeithiol ar draws y sefydliad, delio ag ymwelwyr a bod yn hyblyg i ymgymryd â dyletswyddau cyffredinol Gweinyddwyr eraill fel y cydlynir gan Reolwr Gwasanaethau.

• Byddwch yn cyfrannu fel y bo'n briodol at ddyletswyddau eraill drwy gytundeb ar y cyd â’ch rheolwr llinell. 

Gweithio i'n sefydliad

Mae hon yn swydd Ymchwil Iechyd a Gofal Cymru, a gynhelir gan Fwrdd Iechyd Addysgu Powys.

Mae Ymchwil Iechyd a Gofal Cymru yn sefydliad rhwydweithiol, gyda chefnogaeth Llywodraeth Cymru, sy'n dwyn ynghyd ystod eang o bartneriaid ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill.

Mae Ymchwil Iechyd a Gofal Cymru yn gweithio i gefnogi nod cyffredinol Llywodraeth Cymru sef sicrhau bod ymchwil heddiw yn gwneud gwahaniaeth i ofal yfory.  

Ei genhadaeth yw hyrwyddo, cefnogi a darparu goruchwyliaeth ar y cyd o ymchwil iechyd a gofal cymdeithasol yng Nghymru.

Mae’n sicrhau ei fod o'r ansawdd gwyddonol rhyngwladol uchaf, yn berthnasol i anghenion a heriau iechyd a gofal cymdeithasol yng Nghymru ac yn gwneud gwahaniaeth i bolisi ac ymarfer mewn ffyrdd sy'n gwella