HealthJobsUK

Trosolwg o'r swydd

Mae gwasanaeth deintyddol cymunedol Bwrdd Iechyd Addysgu Powys yn chwilio i recriwtio swyddog deintyddol rllawnamser ar gyfer hyd at 5 diwrnod yr wythnos, wedi’i leoli yn y Llanfair ym Muallt. Byddwch yn rhan o wasanaeth deintyddol cymunedol blaengar ac arloesol sy'n darparu ystod eang o wasanaethau deintyddol sy'n caniatáu i'r gweithiwr llwyddiannus weithio ochr yn ochr â chydweithwyr arbenigol gyda chyfleoedd i ddatblygu sgiliau ychwanegol.

Mae BIAP yn fwrdd iechyd arloesol ac mae'r Gwasanaeth Deintyddol Cymunedol yn ymfalchïo mewn annog cydweithio yn enwedig er mwyn rhannu sgiliau. Mae gan y staff fynediad at offer a deunyddiau modern. I grynhoi os ydych am weithio gyda thîm cyfeillgar cefnogol ac ymarfer deintyddiaeth glinigol hyd eithaf eich gallu gyda chyfleoedd hyfforddi, yna ystyriwch wasanaeth deintyddol cymunedol Powys. Mae Powys yn rhan hyfryd o Gymru gyda golygfeydd ysblennydd a’r gallu i fyw bywyd tawel, lle nad oes traffig y ddinas yn bodoli!

Prif ddyletswyddau'r swydd

Rhan sylweddol o'r rôl hon fydd darparu ystod gynhwysfawr o ofal deintyddol GIG ar gyfer oedolion a phlant cymwys ym Mhowys, gan gynnwys cleifion GDS.  Bydd yr ymgeisydd hefyd yn darparu cwrs o driniaeth i gleifion nad ydynt yn gallu cael mynediad at wasanaethau deintyddol cyffredinol. Fel rhan o’r tîm ehangach, byddwch hefyd yn cefnogi gweddill y tîm i helpu gwella mynediad a lleihau amseroedd aros o fewn y gwasanaeth.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.