HealthJobsUK

Trosolwg o'r swydd

Trosolwg o’r Swydd 

Mae Bwrdd Iechyd Addysgu Powys yn chwilio am unigolyn profiadol i arwain ein desg wasanaeth a'n timau gwasanaethau cleientiaid. 

Yn ddiweddar, mae'r bwrdd iechyd wedi trosglwyddo ein swyddogaethau gwasanaethau cleientiaid i'r bwrdd iechyd o fodel cyflenwi ar y cyd gyda'r cyngor lleol. Rydym yn chwilio am berson profiadol sy'n canolbwyntio ar gwsmeriaid i ysgogi gwelliant cyson gyda'r staff ym mhob tîm.

Bydd yr ymgeisydd llwyddiannus yn ysgogi mabwysiadu egwyddorion rheoli gwasanaeth Llyfrgell Seilwaith Technoleg Gwybodaeth (LlSTG) gweithredol i ddarparu gwasanaeth effeithlon, cyson ac ymatebol i staff y bwrdd iechyd, staff a gomisiynir o sefydliadau a chontractwyr eraill y GIG.

Bwrdd iechyd bach, sy’n ddaearyddol gwasgaredig yw Bwrdd Iechyd Addysgu Powys gydag anghenion digidol unigryw.  Rydym yn chwilio am rywun sy'n awyddus i'n helpu ni ddarparu'r profiad digidol gorau un i'r rhai sy'n gweithio i'r bwrdd iechyd.

Croeso i ymgeiswyr sy’n siarad Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.
 

Prif ddyletswyddau'r swydd

Bydd yr Arweinydd Gwasanaethau Cleientiaid Digidol ym Mwrdd Iechyd Addysgu Powys yn goruchwylio Desg Gwasanaeth Gwasanaethau Digidol y Bwrdd Iechyd a thimau gwasanaethau cleientiaid. Trwy weithredu fel pwynt cyswllt cychwynnol i ddefnyddwyr ynghyd â'r cyfrifoldeb dros Beirianwyr Maes technegol, bydd gan ddeiliad y swydd ryddid sylweddol i weithredu i sicrhau bod staff yn cael profiad cymorth digidol cadarnhaol a bod materion yn cael eu datrys yn gyflym ac yn broffesiynol. Bydd hyn yn cynnwys;

Bod yn gyfrifol am gyfrannu at ddatblygu a gweithredu arferion y LlSTG i sicrhau bod eu timau'n dilyn gweithdrefnau gweithredu ac uwchgyfeirio sydd wedi'u diffinio'n dda ac yn fesuradwy.
Paratoi adroddiadau sy'n cofnodi Dangosyddion Perfformiad Allweddol i ddangos perfformiad ac effeithiolrwydd gwelliannau dros amser.

Dwyn cyfrifoldeb am sicrhau bod timau llinell gyntaf ac ail linell yn darparu cymorth digidol effeithlon, proffesiynol ac amserol i staff sy'n gweithio o fewn y Bwrdd Iechyd. Mae'r rôl yn gofyn bod deiliad y swydd yn gwella effeithlonrwydd y timau y mae'n gyfrifol amdanynt yn 

barhaus, gan weithredu gwelliannau strwythuredig i weithdrefnau ac arferion gwaith ei staff.

Gweithredu fel y pwynt cychwynnol uwchgyfeirio ar gyfer digwyddiadau a phroblemau digidol ar gyfer y Bwrdd Iechyd, felly bydd angen craffu'n dechnegol a meddu ar ddealltwriaeth lefel uchel o'r holl wasanaethau craidd a weithredir gan y Bwrdd Iechyd, sefydliadau allanol y GIG a sefydliadau'r sector preifat.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.