HealthJobsUK

Trosolwg o'r swydd

Mae cyfle cyffrous newydd i Nyrs Ddeintyddol weithio gyda thîm yr Uned Ddeintyddol Symudol sydd wedi'i lleoli yn Aberhonddu.  Mae’r swydd yn Fand 4, Rhan Amser, 15 awr yr wythnos. Bydd disgwyl i ddeiliad y swydd ddarparu gofal cynhwysfawr, o ansawdd uchel i sbectrwm eang o gleifion ledled Powys o fewn clinigau'r Gwasanaeth Deintyddol Cymunedol, gan gynnwys clinigau deintyddol symudol a/neu safleoedd allanol fel ysgolion a chartrefi nyrsio yn ôl y gofyn. Bydd gan Nyrsys Deintyddol lleoliad o glinig/adran pan gânt eu penodi a disgwylir iddynt weithio'n hyblyg ar draws gwahanol safleoedd lle darperir triniaeth ddeintyddol.

Bydd disgwyl i ddeiliad y swydd sefydlu cysylltiadau cryf a chysylltiadau gwaith effeithiol â'r tîm deintyddol cyfan yn ogystal â chleifion, rhieni, gwarcheidwaid, darparwyr addysg, canolfannau dydd ar gyfer Oedolion/Plant ag anghenion arbennig, gwasanaethau cymdeithasol, gwasanaethau Deintyddol eraill, Ymarferwyr Deintyddol Cyffredinol, Ysbytai, ymarferwyr meddygol a chyflenwyr deunydd deintyddol.

Prif ddyletswyddau'r swydd

Bydd disgwyl i’r ymgeisydd llwyddiannus weithio fel rhan o’r tîm Deintyddol, yn paratoi a monitro cleifion ar gyfer, ac yn ystod eu triniaeth, gan ddarparu cyfarwyddiadau cyn ac ar ôl y llawdriniaeth.

Disgwylir i ddeiliad y swydd fod yn gyfrifol am greu a chynnal amgylchedd er mwyn darparu ansawdd uchel o ofal i gleifion. 

Fel rhan o’r rôl wobrwyol hon, bydd gofyn am weithio'n annibynnol wrth ragweld offerynnau sy'n ofynnol yn ystod triniaethau a gyflawnir gan y clinigydd, cymysgu deunyddiau, a dal offerynnau yn eu lle.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Croeso i Fwrdd Iechyd Addysgu Powys!

Mae Bwrdd Iechyd Addysgu Powys yn gyfrifol am ddiwallu anghenion iechyd a llesiant pobl Powys yng nghanolbarth Cymru. Fel bwrdd iechyd gwledig gydag oddeutu 133,000 o bobl yn byw ledled ardal sydd chwarter maint Cymru, rydym yn darparu cynifer o wasanaethau â phosibl yn lleol.  Gwneir hyn yn bennaf trwy feddygon teulu a gwasanaethau gofal sylfaenol eraill, ysbytai cymunedol a gwasanaethau cymunedol.  Gan nad oes gennym Ysbyty Cyffredinol Dosbarth, rydym yn gweithio’n agos gyda sefydliadau eraill yng Nghymru a Lloegr i ddarparu gwasanaethau i bobl Powys. Rydym bob tro yn ymdrechu i ddarparu cynifer o wasanaethau â phosibl ym Mhowys gan gynnwys asesiadau a’r camau dilynol ar ôl triniaeth. Mae’r bwrdd iechyd hefyd yn gweithio’n agos gyda Chyngor Sir Powys a’r sector gwirfoddol i ddiwallu anghenion y gymuned.