HealthJobsUK

Trosolwg o'r swydd

Mae Bwrdd Iechyd Addysgu Powys yn recriwtio arbenigwr mewn deintyddiaeth gofal arbennig i gefnogi swyddogion deintyddol profiadol yn y gwasanaeth deintyddol cymunedol. Mae'r swydd yn agored i unrhyw un sy'n byw yn y DU sy'n arbenigwr cofrestredig gan fod y swydd hon yn un arloesol ac felly’n caniatáu i'r ymgeisydd llwyddiannus ddarparu cyngor a chynllunio triniaeth arbenigol gan ddefnyddio meddalwedd ymgynghori o bell. Bydd hyn yn galluogi'r ymgeisydd llwyddiannus i weithio gartref am y rhan fwyaf o'r amser gyda dim mwy nag 8 clinig wyneb yn wyneb mewn unrhyw flwyddyn. Mae BIAP yn fwrdd iechyd gwledig ac yn ddaearyddol mawr, does ganddo ddim ysbyty cyffredinol dosbarth ond mae'r cynllun arloesol hwn wedi'i gynllunio i gynyddu mynediad arbenigol at ddeintyddiaeth gofal arbennig. Bydd angen i'r ymgeisydd llwyddiannus allu gweithio’n dda fel tîm a bod â'r gallu i drin cleifion yn hyderus gan ddefnyddio cyfuniad o wybodaeth gan y swyddog deintyddol / therapydd a gwybodaeth ymgynghori o bell. Bydd angen i gleifion sy'n anaddas i gael eu trin mewn amgylchedd gofal sylfaenol a chymunedol gael eu cyfeirio at ymddiriedolaeth neu fwrdd iechyd cyfagos sy'n ei gwneud yn ofynnol i ddeiliad y swydd gydlynu eu gofal.

Prif ddyletswyddau'r swydd

Ar y cyd â'r cyfarwyddwr cyswllt deintyddol,  bydd deiliad y swydd yn gyfrifol am gynllunio gwasanaethau deintyddol ar gyfer cleifion gofal arbennig, gan gynnwys cleifion sy'n dioddef o orbryder a ffobia deintyddol. 

Gweithio i'n sefydliad

Mae'r Gwasanaeth Deintyddol Cymunedol yn cynnwys ystod eang o leoliadau, arbenigeddau a gwasanaethau, gan gynnwys gofal deintyddol sylfaenol, gofal eilaidd dan arweiniad ymgynghorwyr, anghenion arbennig a chleifion grwpiau blaenoriaeth yn y clinig a lleoliad y cartref.  Mae hyn yn cynnwys Ysgolion, cartrefi nyrsio a phreswylio, arolygon epidemiolegol, a hybu/addysgu iechyd y geg.

Anogir a chefnogir hyfforddiant, datblygiad a chymysgu sgiliau'r gweithlu deintyddol.