HealthJobsUK

Trosolwg o'r swydd

Mae cyfle cyffrous wedi codi ar gyfer Pennaeth Comisiynu. Rydym yn recriwtio Pennaeth Comisiynu sy'n gallu dangos arweinyddiaeth strategol gref, sydd â llwyddiant blaenorol o ragoriaeth ac ag angerdd dros fwrw ymlaen a gwneud newid.

Bydd y swydd hon yn chwarae rhan allweddol wrth arwain y gwaith comisiynu ar draws portffolio o ddarparwyr gwasanaethau a gomisiynwyd o fewn system gofal iechyd Cymru a Lloegr.

Bydd y rôl yn cynnig arweinyddiaeth, rheolaeth strategol a phroffesiynol o'r agenda gomisiynu ar draws Bwrdd Iechyd Addysgu Powys, gan ddarparu arbenigedd i gefnogi'r Gyfarwyddiaethau ac Adrannau Corfforaethol, ac i sicrhau bod gan Fwrdd Iechyd Addysgu Powys brosesau effeithiol ar waith ar gyfer comisiynu gwasanaethau cadarn i boblogaeth Powys.

Mae Bwrdd Iechyd Addysgu Powys yn cwmpasu'r ardal ddaearyddol fwyaf ymhlith sefydliadau'r GIG yng Nghymru, gydag ystod unigryw o heriau a chyfleoedd. Rydym yn cyflogi bron i 2,500 aelod o staff ac yn gwario oddeutu £375 miliwn y flwyddyn ar gynnig a chomisiynu gwasanaethau iechyd a lles i boblogaeth Powys. Mae hon yn rôl allweddol o fewn yr uwch dîm comisiynu, yn gweithio gydag uwch rheolwyr a chlinigwyr o fewn y Bwrdd Iechyd, yn ogystal â gweithio gyda sefydliadau partner.

Prif ddyletswyddau'r swydd

Ydych chi’n unigolyn eithriadol sy'n gallu dangos arweinyddiaeth strategol gref, sydd â llwyddiant blaenorol o gomisiynu, datblygiad gwasanaeth a gwella ansawdd, yn ogystal ag angerdd dros fwrw ymlaen a gwneud newid? Oes gennych chi lwyddiant blaenorol o ddarparu eich portffolio proffesiynol a phortffolio arwain, yn ddelfrydol mewn amgylchedd iechyd a gofal cymdeithasol gwledig ac integredig?

Ydych chi'n chwilio am rôl lle bydd eich arweinyddiaeth, eich awydd a'ch natur benderfynol yn lliwio’r gwaith datblygu, dylunio a darparu'r portffolio comisiynu ar gyfer Bwrdd Iechyd Addysgu Powys sy'n gweithio ar draws GIG Cymru a darparwyr gwasanaethau GIG Lloegr?

Os ydych, mae gennym gyfle ar gyfer Pennaeth Comisiynu o fewn yn un o leoliadau harddaf y DU, yn ymestyn o Fannau Brycheiniog i fryniau Eryri, o'r Gororau i Fynyddoedd Cambria, mae Powys yn ardal anhygoel i fyw.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a/neu Saesneg wneud cais.  

Gweithio i'n sefydliad

Fel bwrdd iechyd o fewn sir wledig Powys, rydym yn darparu cymaint o wasanaethau mor ddiogel â phosibl yn lleol; drwy feddygon teulu a gweithwyr gofal sylfaenol proffesiynol eraill, rhwydwaith o ysbytai cymunedol a gwasanaethau cymunedol, gan gynnwys gwasanaethau a arweinir gan fydwragedd, iechyd meddwl, anableddau dysgu, gwasanaethau plant, adsefydlu oedolion a gwasanaethau eiddilwch. Ynghyd â hyn, mae gennym rôl gomisiynu sylweddol yn gweithio gyda darparwyr yng Nghymru a Lloegr.

Mae ein Strategaeth Iechyd a Gofal uchelgeisiol yn nodi ein gweledigaeth ar gyfer dyfodol iach a gofalgar Powys. Mae'n disgrifio sut mewn partneriaeth gyda Chyngor Sir Powys, byddwn yn canolbwyntio ar les, yn sicrhau cymorth a chefnogaeth gynnar, yn mynd i'r afael â'r prif amodau sy'n cyfyngu ar fywyd, ac yn darparu gofal cydgysylltiedig. Mae hyn yn cynnwys cynyddu gallu a gwydnwch gwasanaethau sylfaenol a chymunedol, gwella integreiddio drwy'r llwybr iechyd a gofal, a chryfhau ein gwaith o gynllunio a chomisiynu gwasanaethau o ansawdd uchel gan sefydliadau cyfagos.