HealthJobsUK

Trosolwg o'r swydd

Bydd y swydd gyffrous hon yn gweld yr ymgeisydd llwyddiannus yn gweithredu fel ymchwilydd treial ar gyfer treialon clinigol o gynhyrchion meddyginiaethol ymchwiliol, gan gynnwys “Astudiaethau Cyntaf Mewn Dynol” 50% o'r amser, gyda'r amser sy'n weddill ar gyfer cyflawni dyletswyddau clinigol ar yr uned feddygol acíwt. Daw’r swydd hon gyda chyllid i ddechrau gradd Meistr mewn Ymchwil (MRes) ym Mhrifysgol Bangor mewn Ffarmacoleg Glinigol a Therapiwteg Arbrofol, yn ogystal â chontract academaidd anrhydeddus gyda Phrifysgol Bangor, lle byddwch yn darparu addysgu bob 2-3 mis. Wedi'ch lleoli yn Wrecsam, byddwch yn gweithio ochr yn ochr â thîm o bedwar meddyg iau arall sydd hefyd yn ymchwilwyr treial ac yn ymgymryd â'r MRes.  

Bydd y swydd wedi ei rhannu 50:50 ag arbenigedd clinigol. Ffefrir meddyginiaeth aciwt ar gyfer hwn, ond ystyrir opsiynau eraill hefyd. Os bydd deiliad y swydd yn dymuno cynnwys hyn fel rhan o'i hyfforddiant, bydd angen iddo gysylltu â'i oruchwylydd addysgol, cyfarwyddwr y rhaglen hyfforddi a chyfarwyddwr y Cyfleuster Ymchwil Glinigol ymlaen llaw i drafod a yw'n ymarferol. Mae angen i'r rhaniad 50:50 hwn fod yn hyblyg er mwyn adlewyrchu amrywioldeb gwaith y Cyfleuster Ymchwil Glinigol.

Prif ddyletswyddau'r swydd

Bydd deiliad y swydd yn gyfrifol am gynllunio, recriwtio, sgrinio, cydsynio, dosio a mynd ar drywydd cyfranogwyr y Cyfleuster Ymchwil Glinigol. Gall hyn gynnwys sgiliau ymarferol megis fflebotomi os bydd y staff nyrsio yn cael trafferth yn gosod canwla, a thriniaeth fwy cymhleth yn y dyfodol megis pigiad meingefnol a broncosgopi.

Bydd deiliad y swydd yn gweithio gydag ymchwilwyr eraill o dan oruchwyliaeth uwch-ymchwilwyr a Chyfarwyddwr y Cyfleuster Ymchwil Glinigol. Bydd yn gweithio'n agos gyda thîm nyrsio'r Cyfleuster Ymchwil Glinigol, a'r tîm data a'r tîm llywodraethu i gynnal treialon clinigol.

Gweithio i'n sefydliad

Mae Ysgol Feddygol Gogledd Cymru (NWMS), sydd wedi'i lleoli ym Mhrifysgol Bangor, yn gweithredu mewn cydweithrediad â Bwrdd Iechyd Prifysgol Betsi Cadwaladr (BIPBC).  Mae wedi cyflwyno fersiwn wedi'i haddasu o gwricwlwm Meddygaeth C21 Prifysgol Caerdydd am y 3 blynedd diwethaf. Yn ddiweddar, cafodd yr Ysgol addewid gan Lywodraeth Cymru, a gynhwyswyd yn y 'Rhaglen Lywodraethu', i ehangu'r rhaglen ac iddi ddod yn annibynnol o fewn y blynyddoedd nesaf. Bydd datblygu Cyfleuster Ymchwil Clinigol Gogledd Cymru gan Fwrdd Iechyd Prifysgol Betsi Cadwaladr yn cryfhau ymchwil glinigol yn y rhanbarth yn fawr ac yn rhoi cyfle unigryw i ymdrechion academaidd a chlinigol a rennir ddenu ymchwil effeithiol sy'n arwain y byd i Ogledd Cymru i wella gofal cleifion

Cyfraniad Prifysgol Bangor

Mae Prifysgol Bangor yn cynnig ystod o gymwysterau ôl-raddedig a fyddai'n cefnogi penodeion llwyddiannus, gan gynnwys Tystysgrif, Diploma, Gradd Meistr a Doethuriaeth ar draws disgyblaethau Meddygaeth, Gofal Iechyd, Ffarmacoleg/ Fferylliaeth ac Addysg Feddygol. Gellir cwblhau llawer o raglenni drwy ddysgu o bell, ac mae'r Brifysgol yn cynnig rhaglen 'PhD drwy gyhoeddi' sy'n addas i glinigwyr a hyfforddeion clinigol prysur, gan gynnwys rhaglen academaidd glinigol wedi'i theilwra. Bydd yr ymgeisydd llwyddiannus yn gymwys i dderbyn cymorth ariannol ar gyfer cwrs priodol yn y Brifysgol drwy CRF GOGLEDD CYMRU