HealthJobsUK

Trosolwg o'r swydd

Ydych chi'n angerddol dros greu system gofal iechyd gynaliadwy ac ymwybodol yn amgylcheddol? Mae Bwrdd Iechyd Prifysgol Betsi Cadwaladr yn chwilio am weithiwr proffesiynol arloesol ac ymrwymedig i ymuno â ni fel Cyfarwyddwr Amgylchedd ac Ystadau, yn arwain y newid ym maes cynaliadwyedd amgylcheddol a hybu llesiant ein cymunedau.

Fel Cyfarwyddwr Amgylchedd ac Ystadau, byddwch yn chwarae rôl hanfodol wrth ddatblygu a rhoi arferion cynaliadwy ar waith ar draws ein bwrdd iechyd. Gan adrodd yn uniongyrchol i'r Prif Weithredwr, byddwch yn arwain mentrau sy'n lleihau ein heffaith amgylcheddol, yn hybu arferion gwyrdd, ac yn cyfrannu at iechyd a llesiant cyffredinol ein cymunedau.

Mae'r portffolio ar gyfer y rôl hon yn cynnwys:

• Cyfalaf
• Ystadau
• Cyfleusterau a Gwasanaethau Cymorth (E.e. Gwasanaeth rheoli gwastraff, gwasanaeth cludo cleifion mewn achosion nad ydynt yn rhai brys, gwasanaethau cludo)
• Diogelwch
• Iechyd a Diogelwch
• Cynaliadwyedd Amgylcheddol/Newid Hinsawdd

Prif ddyletswyddau'r swydd

Bydd cyfrifoldebau allweddol penodol yn cynnwys y canlynol:

• Cyfrifoldeb corfforaethol, yn atebol i'r Bwrdd, am y gwaith cyfeirio strategol, llunio polisïau corfforaethol, datblygu gwasanaethau a darparu gwasanaethau mewn meysydd cyflawni priodol, a sicrhau bod y cynlluniau yn unol â nodau strategol cyffredinol y Bwrdd Iechyd.
• Darparu arweinyddiaeth wybodus a phroffesiynol i'r agenda Newid Hinsawdd, Datgarboneiddio a Bioamrywiaeth. Arwain y gwaith o ffurfio a defnyddio strategaethau, gydag eraill ar draws y Bwrdd Iechyd ac mewn perthynas ag arbenigwyr yn y maes, i sicrhau bod gan y Bwrdd Iechyd gynllun strategol uchelgeisiol â deilliannau clir.
• Sefydlu dull sefydliad cyfan ar gyfer Gweithio Ystwyth, ymgysylltu â chydweithwyr ar draws y Bwrdd Iechyd i ddatblygu dull strategol ar gyfer Gweithio Ystwyth. Gweithio'n agos gyda phartneriaid yr Undeb Llafur er mwyn datblygu a defnyddio'r dull.

Arwain y gwaith o ddatblygu a defnyddio cyfleusterau cynhwysfawr a'r gwasanaethau cymorth.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.87 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 96 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil.