HealthJobsUK

Trosolwg o'r swydd

Mae cyfle cyffrous wedi codi ar gyfer swydd Hematolegydd Ymgynghorol sydd wedi’i lleoli yn Ysbyty Maelor Wrecsam. Rydym yn dymuno penodi unigolyn deinamig sydd wedi ymrwymo i ragoriaeth wrth ddarparu gwasanaethau i ymuno â'n tîm. Dylai’r holl ymgeiswyr fod yn gymwys wrth reoli cleifion sydd ag anhwylderau hematolegol, a byddai datblygu diddordeb arbenigol yn cael ei annog.

Mae’r gwasanaeth hematoleg yn esblygu’n gyson a bydd y swydd hon, ar y cyd â swyddi presennol a newydd, yn cefnogi datblygiad Gwasanaeth Hematoleg Gogledd Cymru.
Rydym yn hapus iawn i drafod darpariaeth ar gyfer unrhyw ddiddordebau arbenigol. Bydd deilydd y swydd yn cael ei leoli yn Wrecsam a bydd yn rhan o dîm amlddisgyblaethol brwdfrydig.

Mae’r Bwrdd Iechyd yn cyflogi tua 1,600 o staff ac mae ganddo gyllideb o tua £1.2 biliwn. Mae’n gyfrifol am weithrediad tri ysbyty cyffredinol dosbarth (Ysbyty Gwynedd ym Mangor, Ysbyty Glan Clwyd ger y Rhyl, ac Ysbyty Maelor Wrecsam) yn ogystal â 18 ysbyty acíwt a chymunedol eraill, a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae hefyd yn cydlynu gwaith 115 o bractisau meddygon teulu a gwasanaethau GIG a ddarperir gan ddeintyddion, optegwyr a fferyllfeydd Gogledd Cymru.

Prif ddyletswyddau'r swydd

•    Darparu gwasanaethau hematolegydd arbenigol i'r boblogaeth gan gyfeirio'n arbennig at y canserau cyffredin a'r is-arbenigeddau priodol y cytunwyd arnynt a chymryd rhan yn weithgar ym mhob un o'r timau amlddisgyblaethol hyn.

•    Meithrin diddordeb arbenigwr safle ac ymchwil ar safleoedd y ddau ysbyty. Bydd hyn yn cynnwys datblygu ymchwil glinigol a chofrestru cleifion mewn astudiaethau cenedlaethol a rhyngwladol priodol.

•    Darparu rownd ward wythnosol ar gyfer cyflenwi cleifion mewnol.

•    Gweithio'n agos gyda chyd-feddygon ymgynghorol clinigol a darparu gofal hematolegydd di-dor i'r holl gleifion.

•    Gweithio'n agos gyda chydweithwyr mewn Is-adrannau eraill er mwyn helpu i ddarparu gwasanaeth effeithlon i gleifion sy'n trosglwyddo rhwng y disgyblaethau gwahanol ac yn ystod taith y claf.

•    Cysylltu â chydweithwyr ym maes Hematoleg, Oncoleg a Gofal Lliniarol i gyflenwi dyletswyddau cleifion mewnol i gleifion hematoleg.

•    Datblygu a chymryd rhan mewn mentrau cydweithredol, gan roi cryn ystyriaeth i effeithiolrwydd clinigol ac ymarfer meddygaeth sy'n seiliedig ar dystiolaeth.

•    Cymryd rhan mewn gwaith archwilio ac addysgu.

•    Bod yn gyfrifol am sicrhau cyfranogiad gweithgar mewn addysg feddygol barhaus.

Gweithio i'n sefydliad

Bwrdd Iechyd Prifysgol Betsi Cadwaladr yw'r sefydliad iechyd mwyaf yng Nghymru, gan ddarparu amrywiaeth lawn o wasanaethau sylfaenol, cymunedol, iechyd meddwl ac ysbyty acíwt i boblogaeth o tua 676,000 o bobl ledled chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam). Caiff rhai ardaloedd yng Nghanolbarth Cymru, Swydd Gaer a Swydd Amwythig eu cwmpasu gan y Bwrdd Iechyd hefyd.

Mae'r Bwrdd Iechyd yn cyflogi tua 16,500 o staff ac mae ganddo gyllideb o tua £1.4 biliwn. Mae'n gyfrifol am redeg tri ysbyty cyffredinol dosbarth (Ysbyty Maelor Wrecsam yn Wrecsam, Ysbyty Glan Clwyd ger y Rhyl ac Ysbyty Gwynedd ym Mangor), yn ogystal â 22 o ysbytai acíwt a chymunedol eraill a rhwydwaith o fwy na 90 o ganolfannau iechyd, clinigau, timau iechyd cymunedol ac unedau iechyd meddwl. Mae'r Bwrdd Iechyd hefyd yn cydlynu gwaith 121 o bractisau meddygon teulu a gwasanaethau'r GIG a ddarperir yn y gogledd gan ddeintyddion, optegwyr a fferyllfeydd.

Mae'r Bwrdd Iechyd yn ardal fwyaf gogleddol Cymru, ger Parc Cenedlaethol prydferth Eryri ac mae'n ymestyn dros ardal ddaearyddol enfawr ac amrywiol. Mae'r morlin yng Ngogledd Cymru ymhlith y rhai mwyaf amrywiol ac ysblennydd yn y DU, gan gynnig cyfleoedd heb eu hail i gymryd rhan mewn gweithgareddau awyr agored mewn ardal o harddwch naturiol eithriadol.