Trosolwg o'r swydd

Gwahoddir ceisiadau am y swydd hon sydd wedi'i lleoli yn Ysbyty Cyffredinol Dosbarth Maelor Wrecsam. Bydd y sawl a benodir yn cwblhau tîm a 6 Cardiolegydd Ymgynghorol. Mae'r swydd wedi deillio o gynlluniau i aildrefnu a chryfhau ein gwasanaethau presennol. Rydym yn dymuno'n benodol mynd ati i gryfhau ein gwasanaethau delweddau cardiofasgwlaidd a methiant y galon, sydd eisoes wedi'u datblygu'n dda. Byddai croeso cynnes i arbenigedd yn y naill neu'r llall o'r meysydd hyn. Fodd bynnag, buasem hefyd yn fodlon ystyried isarbenigeddau eraill a hoffem bwysleisio y gellir addasu'r Cynllun Swydd enghreifftiol i sicrhau ei fod yn addas i'r ymgeisydd llwyddiannus.

 Saif yr Ysbyty mewn lleoliad gwych yng Ngogledd Cymru, ac mae'r lleoliad o fewn cyrraedd rhwydd i arfordir Gogledd Cymru, Parc Cenedlaethol Eryri, Lerpwl a Manceinion.

 Bydd angen i chi fod ar y Gofrestr Meddygon Arbenigol, bydd gennych CCT neu gymhwyster cyfwerth cydnabyddedig neu dylech allu cwblhau hynny ymhen chwe mis wedi adeg y cyfweliad.

 Penodir yr ymgeisydd llwyddiannus yn unol ag amodau'r Contract Cenedlaethol ar gyfer Meddygon Ymgynghorol yng Nghymru. Mae'r ystod cyflog presennol am 10 sesiwn yn amrywio o £106,000 i £154,760 y flwyddyn.

Prif ddyletswyddau'r swydd

Ar y cyd â'r aelodau eraill o staff cardioleg ymgynghorol, bydd deiliad y swydd yn darparu:

 ·       Gwasanaeth cardioleg cynhwysfawr i gleifion mewnol ac allanol, gyda chymorth aelodau eraill o'r adran.

·       Cardioleg anfewnwthiol

·       Gwasanaeth methiant y galon lleol a rhanbarthol

·       Datblygu trefniadau rheoli'r gwasanaeth cardioleg lleol a rhanbarthol ar y cyd â Bwrdd Cardiaidd Strategol BIPBC

·       Goruchwylio ac addysgu staff meddygol iau.

·       Cyfrannu at weithgarwch israddedig ac uwchraddedig yn lleol.

·       Cymryd rhan mewn archwiliadau clinigol, datblygiad proffesiynol parhaus  a gweithgareddau llywodraethu clinigol yn lleol, ar lefel y Bwrdd Iechyd ac ar lefel Cymru Gyfan.

·       Datblygu gwaith ymchwil a diddordebau proffesiynol.

·       Cadw at bolisïau a chanllawiau BIPBC

Gweithio i'n sefydliad

Bwrdd Iechyd Prifysgol Betsi Cadwaladr yw'r sefydliad iechyd mwyaf yng Nghymru, gan ddarparu amrywiaeth lawn o wasanaethau sylfaenol, cymunedol, iechyd meddwl ac ysbyty acíwt i boblogaeth o tua 676,000 o bobl ledled chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam). Caiff rhai ardaloedd yng Nghanolbarth Cymru, Swydd Gaer a Swydd Amwythig eu cwmpasu gan y Bwrdd Iechyd hefyd.

Mae'r Bwrdd Iechyd yn cyflogi tua 16,500 o staff ac mae ganddo gyllideb o tua £1.4 biliwn. Mae'n gyfrifol am redeg tri ysbyty cyffredinol dosbarth (Ysbyty Maelor Wrecsam yn Wrecsam, Ysbyty Glan Clwyd ger y Rhyl ac Ysbyty Gwynedd ym Mangor), yn ogystal â 22 o ysbytai acíwt a chymunedol eraill a rhwydwaith o fwy na 90 o ganolfannau iechyd, clinigau, timau iechyd cymunedol ac unedau iechyd meddwl. Mae'r Bwrdd Iechyd hefyd yn cydlynu gwaith 121 o bractisau meddygon teulu a gwasanaethau'r GIG a ddarperir yn y gogledd gan ddeintyddion, optegwyr a fferyllfeydd.

Mae'r Bwrdd Iechyd yn ardal fwyaf gogleddol Cymru, ger Parc Cenedlaethol prydferth Eryri ac mae'n ymestyn dros ardal ddaearyddol enfawr ac amrywiol. Mae'r morlin yng Ngogledd Cymru ymhlith y rhai mwyaf amrywiol ac ysblennydd yn y DU, gan gynnig cyfleoedd heb eu hail i gymryd rhan mewn gweithgareddau awyr agored mewn ardal o harddwch naturiol eithriadol.