HealthJobsUK

Trosolwg o'r swydd

Gwahoddir ceisiadau ar gyfer swydd Radiolegydd Ymgynghorol â diddordeb arbennig mewn radioleg ymyriadol ym Mwrdd Iechyd Lleol Prifysgol Betsi Cadwaladr, Gogledd Cymru.

Rydym yn hapus iawn i drafod ceisiadau i gynnwys unrhyw ddiddordebau arbenigol eraill. Bydd deiliad y swydd yn gweithio yn Ysbyty Glan Clwyd ond bydd yn rhan o dîm amlddisgyblaethol brwdfrydig sy'n cefnogi gwasanaethau radioleg ymyriadol presennol ar gyfer rhanbarth y Gogledd.

Bydd yr ymgeisydd llwyddiannus yn ymuno â thîm cyfeillgar a brwdfrydig o 11 o radiolegwyr ymgynghorol eraill yn yr ysbyty hwn a bydd hefyd yn cyfrannu'n benodol at ddarparu gwasanaethau ymyriadol arbenigol, gan gynnwys datblygu gwasanaethau oncoleg ymyriadol. Bydd deiliad y swydd hefyd yn cyfrannu at waith yn yr ystafell hybrid fasgwlaidd yn Ysbyty Glan Clwyd.

Caiff trefniadau gweithio hyblyg eu hystyried ac rydym yn fwy na pharod i drafod eich gofynion a sut y gellid eu bodloni. Mae cyfle i gynyddu sesiynau drwy gytundeb yn bosibl.

Mae gennym gysylltiadau cryf â Phrifysgol Cymru, Bangor a byddai cyfle i ymgeiswyr ddatblygu cysylltiadau ymchwil a/neu addysgu â'r Brifysgol

Prif ddyletswyddau'r swydd

Cynllun swydd 10 sesiwn (gan gynnwys 0.7 sesiwn ar alwad)

Efallai y bydd cyfleoedd i gynyddu sesiynau

SPA – mae dwy sesiwn ar gael, gellir cyflawni un ohonynt oddi ar y safle ond rhaid i'r Cyfarwyddwr Clinigol gytuno ar y gweithgareddau. Gellir trafod 3ydd SPA wrth adolygu'r cynllun swydd os yw ymrwymiadau'r radiolegydd ymgynghorol yn awgrymu bod angen hynny.

Ar alwad – 1 o bob 10 ar hyn o bryd, neu'n llai aml, gyda threfniadau cyflenwi arfaethedig.

Mae gwasanaeth tele-radioleg ar alwad ar gael drwy weithfannau cartref

Bydd yr ail ar alwad tan 9pm yn unig. Ar ôl hynny, mae gwasanaeth adrodd ar gontract allanol ar gael. Caiff y gwasanaeth ei roi ar gontract allanol ar ddydd Sadwrn a dydd Sul.

Cofrestryddion Radioleg Arbenigol sydd ar alwad gyntaf rhwng 5pm a 9pm o ddydd Llun i ddydd Gwener fel arfer.

Bydd gan bob radiolegydd gyfrifoldebau ym maes addysgu, sicrhau ansawdd, a rheoli gwasanaethau o fewn eu meysydd arbenigol.

Bydd deiliad y swydd yn cyfrannu at lwyth gwaith ehangach yr adran hefyd yn dibynnu ar drafodaethau ynghylch y cynllun gwaith, gan gynnwys radioleg gyffredinol, rotâu ar alwad ac addysgu radiolegwyr dan hyfforddiant, israddedigion ac aelodau eraill o staff yr ysbyty. Bydd angen cyfrannu at rota ar alwad sy'n cael budd o wasanaethau cwmni ar gontract allanol dros nos a gwasanaeth tele-radioleg gartref. Mae'r syniad o gyflwyno gwasanaeth ar alwad ar gyfer radioleg ymyriadol yng Ngogledd Cymru yn cael ei ystyried hefyd.

Gweithio i'n sefydliad

Bwrdd Iechyd Prifysgol Betsi Cadwaladr yw'r sefydliad iechyd mwyaf yng Nghymru, gan ddarparu amrywiaeth lawn o wasanaethau sylfaenol, cymunedol, iechyd meddwl ac ysbyty acíwt i boblogaeth o tua 676,000 o bobl ledled chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam). Caiff rhai ardaloedd yng Nghanolbarth Cymru, Swydd Gaer a Swydd Amwythig eu cwmpasu gan y Bwrdd Iechyd hefyd.

Mae'r Bwrdd Iechyd yn cyflogi tua 16,500 o staff ac mae ganddo gyllideb o tua £1.4 biliwn. Mae'n gyfrifol am redeg tri ysbyty cyffredinol dosbarth (Ysbyty Maelor Wrecsam yn Wrecsam, Ysbyty Glan Clwyd ger y Rhyl ac Ysbyty Gwynedd ym Mangor), yn ogystal â 22 o ysbytai acíwt a chymunedol eraill a rhwydwaith o fwy na 90 o ganolfannau iechyd, clinigau, timau iechyd cymunedol ac unedau iechyd meddwl. Mae'r Bwrdd Iechyd hefyd yn cydlynu gwaith 121 o bractisau meddygon teulu a gwasanaethau'r GIG a ddarperir yn y gogledd gan ddeintyddion, optegwyr a fferyllfeydd.

Mae'r Bwrdd Iechyd yn ardal fwyaf gogleddol Cymru, ger Parc Cenedlaethol prydferth Eryri ac mae'n ymestyn dros ardal ddaearyddol enfawr ac amrywiol. Mae'r morlin yng Ngogledd Cymru ymhlith y rhai mwyaf amrywiol ac ysblennydd yn y DU, gan gynnig cyfleoedd heb eu hail i gymryd rhan mewn gweithgareddau awyr agored mewn ardal o harddwch naturiol eithriadol.