HealthJobsUK

Trosolwg o'r swydd

Mae 2 ward ar gyfer oedolion yn Uned Ablett, gyda 10 gwely ar gyfer menywod (Dinas - Merched) a 10 gwely ar gyfer cleifion mewnol gwrywaidd (Dinas - Dynion) yn ogystal ag ystafell s136. Mae’r Tîm Triniaeth yn y Cartref hefyd wedi’i leoli yn Uned Ablett. Mae Uned Ablett hefyd yn gartref i ward adsefydlu dan glo gyda 8 gwely o ddynion (Cynnydd) yn ogystal â ward weithredol 10 gwely ar gyfer Pobl Hŷn (ward Tegid).

Mae’r gwasanaeth gofal acíwt i oedolion yn cynnwys y ward oedolion ag 20 gwely a’r Tîm Triniaeth yn y Cartref. 

Gall y Tîm Triniaeth yn y Cartref dderbyn tua 25 o gleifion ar unrhyw un adeg. Caiff Gwasanaethau Datrys Argyfyngau eu darparu yn y gwasanaethau iechyd meddwl cymunedol lleol ac nid ydynt yn rhan o’r model gofal acíwt hwn.

Mae’r Timau Gofal Acíwt yn cydweithio â’r Timau Iechyd Meddwl Cymunedol i sicrhau bod cyfathrebu a chynllunio gofal yn digwydd yn amserol. 

ae gofal unigolion yn ddarostyngedig i Fesur Iechyd Meddwl (Cymru) 2010, a disgwylir i ddeiliad y swydd weithio yn unol â gofynion y Mesur Iechyd Meddwl. Bydd deiliad y swydd yn darparu gofal sy’n canolbwyntio ar y claf drwy rôl oruchwylio ac ymgynghori. Bydd yn darparu goruchwyliaeth Clinigydd Cyfrifol ar gyfer tua hanner y gwasanaeth gofal acíwt i OEDOLION sy’n cynnwys 10 gwely, a hanner cleifion y Tîm Triniaeth yn y Cartref ochr yn ochr â’r Clinigydd Cymeradwy Parhaol arall.

Prif ddyletswyddau'r swydd

Deiliad y swydd fydd y meddyg ymgynghorol trin ochr yn ochr â'r Clinigydd Cymeradwy arall ar gyfer cleifion mewnol sy'n cael eu derbyn i Dinas a'r rhai a dderbynnir ar gyfer y Tîm Triniaeth yn y Cartref.  Mae’r wardiau cleifion mewnol i oedolion yn derbyn cleifion o Sir Ddinbych a Chonwy ac weithiau o ardaloedd y Dwyrain a’r Gorllewin.

Mae gan yr Uwch Adran broses weithredol ar gyfer rheoli gwelyau, sy’n caniatáu hyblygrwydd wrth reoli’r gwelyau sydd ar gael. O bryd i’w gilydd, bydd cleifion yn cael eu derbyn i’r unedau cyfatebol yn yr ardaloedd dwyreiniol a gorllewinol. 

Mae derbyniadau i’r wardiau fel arfer yn dod o’r gymuned drwy’r Tîm Iechyd Meddwl Cymunedol neu’r ysbytai cyffredinol drwy’r Gwasanaeth Cydgysylltiol Seiciatrig. Mae goruchwyliaeth feddygol dros dderbyniadau yn digwydd wrth drosglwyddo cyfrifoldeb meddyg ymgynghorol ar adeg derbyn a rhyddhau. Mae deiliad y swydd a chydweithwyr yn y gymuned yn gweithio’n agos er mwyn hwyluso parhad gofal a chynllunio ar gyfer rhyddhau. Mae’r Tîm Iechyd Meddwl Cymunedol yn parhau i fod yn rhan o ofal cleifion pan gânt eu derbyn. 

Deiliad y swydd fydd y clinigydd cyfrifol ar gyfer cleifion sy’n cael eu derbyn o dan y Ddeddf Iechyd Meddwl. Bydd yn darparu arweinyddiaeth feddygol i'r tîm amlddisgyblaethol. Bydd deiliad y swydd yn gweithio'n agos gyda meddyg ymgynghorol y sector, Tîm Iechyd Meddwl Cymunedol ac awdurdodau lleol i ddarparu parhad gofal a chynllunio rhyddhau cadarn.  

Gweithio i'n sefydliad

Rydym wrth ein bodd bod gennych chi ddiddordeb mewn ymuno â'r Uwch Adran Iechyd Meddwl ac Anabledd Dysgu.  Pan fyddwch chi'n ymuno â'r Uwch Adran Iechyd Meddwl ac Anabledd Dysgu, gallwch gydbwyso bywyd a gwaith gyda chyfleoedd gweithio hyblyg, gweithio hybrid a gweithio ystwyth ac mae digonedd o gyfleoedd i hyfforddi a datblygu gyrfa.

Mae rhai o'r manteision niferus o ymuno â'r Uwch Adran Iechyd Meddwl ac Anabledd Dysgu yn cynnwys:

• Llesiant, Gwaith a Ni - gwasanaeth sy’n cynnig cymorth ac ymyrraeth i staff ar yr adegau pan fo angen hynny. Mae ansawdd ein rhyngweithio wedi'i wreiddio yn ein llesiant ein hunain – pan fyddwn ni'n iach, gallwn gefnogi ein gilydd a’r bobl sy’n defnyddio ein gwasanaethau, yn well.
• Gwasanaethau sy'n amrywio o sesiynau galw heibio, cwnsela, hyfforddi a champfa ar y safle.
• Goruchwyliaeth Reolaethol a Chlinigol - cyfleoedd rheolaidd i staff gael adborth gan reolwyr, trafod cyfleoedd datblygu a chanolbwyntio ar lesiant yn gyffredinol.
• Gwaith hyblyg sy'n addas i chi a'ch teulu, megis oriau llawn amser, oriau blynyddol, gwaith rhan amser, gwaith yn ystod y tymor, gweithio o bell a gweithio hybrid sy’n caniatáu cydbwysedd gwych rhwng bywyd a gwaith. Dewch i drafod!
• Cefnogaeth i ddatblygu eich gyrfa mewn lle sy'n eich galluogi i gyflawni eich nodau yn y gwaith a thu hwnt.
• Cyfle i gael eich cydnabod am waith gwych trwy ein gwobrau cyrhaeddiad staff