HealthJobsUK

Trosolwg o'r swydd

Testun cyffro i ni yw cael chwilio am gydweithiwr newydd i ymuno â'n tîm cynyddol o ymgynghorwyr parhaol sydd wedi'u lleoli yng Ngogledd Cymru. Ar hyn o bryd rydym yn chwilio am Oncolegydd Meddygol Ymgynghorol sydd â diddordeb yng nghanserau'r colon a'r rhefr a chanserau wrolegol i gryfhau ein gweithlu fel y gallwn ddarparu’r gofal gorau i bobl Gogledd Cymru. 

Mae proses o newid yn mynd rhagddi yn yr Uwch-adran Canser ar hyn o bryd ac mae'r adran yn awyddus i groesawu modelau newydd o weithio ac arloesi. Yn ddiweddar, rydym wedi croesawu Cymdeithion Meddygol a niferoedd cynyddol o Uwch Ymarferwyr Nyrsio yn dilyn ceisiadau achosion busnes llwyddiannus. Rydym hefyd wedi recriwtio ein Radiograffydd Ymgynghorol cyntaf ac rydym yn archwilio technolegau amrywiol i ategu'r gwasanaeth.
Mae canolfan Trin Canser Gogledd Cymru mewn lleoliad delfrydol yng nghanol y rhanbarth ac mae'n darparu ar gyfer niferoedd mawr o gleifion bob dydd. Mae pob un o’r tair canolfan trin canser yng Ngogledd Cymru wedi’u hariannu gan roddion gan y cyhoedd ac rydym yn ffodus fod ein cymunedau yn rhai mor frwdfrydig a chefnogol. 

Lleolir yr ymgeisydd llwyddiannus yn Ysbyty Gwynedd. Ceir elfen ar alwad i’r rôl a bydd gofyn i chi gyfranogi ar sail 1 mewn 5.
Rydym yn annog ac yn croesawu ceisiadau gan gydweithwyr sy’n arbenigo mewn safleoedd tiwmorau eraill a byddwn yn gweithio i greu cynllun swydd a fydd yn fuddiol i’r unigolyn ac i’r adran. 

Prif ddyletswyddau'r swydd

Bydd y dyletswyddau'n cynnwys cynllunio, rhagnodi a goruchwylio cleifion sy'n derbyn triniaeth gwrth-ganser systemig a radiotherapi ar gyfer tiwmorau solid cleifion mewnol ac allanol. 

Bydd yr ymgeisydd llwyddiannus yn cymryd rhan yn y rota ar alw i ymgynghorwyr ar gyfer Uned Alaw. Rota 1 mewn 6 ar gyfer Ymgynghorydd yr Wythnos yw hon, gan gwblhau dau rownd ward ychwanegol (Bore dydd Llun a dydd Mercher) yn ystod wythnosau ar alw. Mae'r dyletswyddau ar alw hefyd yn cynnwys rhoi cyngor y tu allan i oriau mewn perthynas â'r broses o reoli cleifion canser yn Ysbyty Gwynedd, a rhoi cyngor i'r timau meddygol cyffredinol ar argyfyngau oncolegol. Bydd bod ar alw yn golygu gwneud rowndiau ward rhagweladwy ar ddydd Sadwrn a dydd Sul. Bydd hyn hefyd yn cynnwys cyflenwi yn ystod gwyliau'r cyd-ymgynghorwyr.

Fel rhan o'i sesiynau gweithgarwch proffesiynol ategol, bydd disgwyl i'r ymgeisydd llwyddiannus chwarae rhan lawn mewn gweithgareddau llywodraethu clinigol ac addysg feddygol ôl-raddedig yn y gwasanaeth a gall hyn gynnwys arwain neu ymddwyn fel dirprwy arweinydd ar gyfer agwedd benodol ar waith llywodraethu ac addysg yr Is-adran Glinigol. Bydd disgwyl i'r ymgeisydd llwyddiannus gymryd rhan wrth ddatblygu polisïau, llwybrau a phrotocolau a'u hadolygu yn rheolaidd a hefyd gymryd rhan mewn archwiliad amlddisgyblaethol ac amlasiantaethol. Mae disgwyl i'r ymgynghorwyr fynd i raglen hyfforddiant gorfodol y Bwrdd Iechyd. Caiff yr holl staff ymgynghorol eu harfarnu yn flynyddol. 
  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.