HealthJobsUK

Trosolwg o'r swydd

Rydym yn chwilio am unigolyn brwdfrydig y mae'n rhaid bod ganddo Dystysgrif Cwblhau Hyfforddiant (CCT) neu gymhwyster cyfatebol mewn Oncoleg Gynaecolegol ac wedi cofrestru ar gofrestr arbenigol y Cyngor Meddygol Cyffredinol neu fod o fewn chwe mis o gael hyn ar adeg y cyfweliad, i ymuno â'n tîm o Obstetryddion a Gynaecolegwyr a dau Oncolegydd Gynaecolegol ymgynghorol is-arbenigol. Swydd barhaol i gymryd lle deiliad swydd arall yn dilyn ymddeoliad trydydd meddyg ymgynghorol is-arbenigol yw hon.

Prif ddyletswyddau'r swydd

Ar hyn o bryd, mae tri Meddyg Ymgynghorol mewn Oncoleg Gynaecolegol yn gweithio yng Nghanolfan Canser Gynaecolegol Gogledd Cymru. Mae'r amserlen arfaethedig ar gyfer y Meddyg Ymgynghorol newydd (gweler isod) yn disodli amserlen un o'n meddygon ymgynghorol presennol sy'n ymddeol.

Lleolir y swydd hon yn Ysbyty Gwynedd, Bangor. Mae'r ganolfan ganser lawfeddygol yn darparu gwasanaeth i'r cleifion canser gynaecolegol bob wythnos. Rydym yn bwriadu gweithio 1:6 penwythnos ynghyd â'n meddygon ymgynghorol O&G cyffredinol. Fodd bynnag, nid yw'r ymrwymiadau ar alw ar gyfer y swydd hon yn cynnwys unrhyw waith cyflenwi gynaecoleg neu obstetrig cyffredinol. Dyrennir 1.0 sesiwn i hyn. Mae'r ymrwymiadau rownd y ward ar alw ac ar y penwythnos yn cynnwys cyflenwi arfaethedig.

Bydd ymrwymiad i addysgu israddedig ac ôl-raddedig.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.7 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 113 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil.