HealthJobsUK

Trosolwg o'r swydd

Gwahoddir ceisiadau am swydd Meddyg Ymgynghorol Anadlol Parhaol a Meddyg Cyffredinol ym Mwrdd Iechyd Prifysgol Betsi Cadwaladr, Gogledd Cymru.

Lleolir y swydd ymgynghorydd sylweddol hon yn Ysbyty Gwynedd, Bangor. Mae Gogledd Cymru yn lle ysblennydd i fyw ac yn cynnig amrywiaeth eang o weithgareddau awyr agored, atyniadau a bwytai rhagorol. Cawn ein hamgylchynu gan olygfeydd godidog i’w harchwilio o fryniau tonnog a mynyddoedd garw Parc Cenedlaethol Eryri i draethau hir tywodlyd Ynys Môn a Phen Llŷn. Mae Caer lai nag awr i ffwrdd ac mae dinasoedd Lerpwl a Manceinion ychydig dros awr yn golygu bod y lleoliad hwn yn lle perffaith i fyw. Mae yna dai fforddiadwy o safon yn ogystal ag ysgolion annibynnol a gwladol rhagorol ac amwynderau lleol gwych.

Mae cysylltiadau cryf yn bodoli gydag ysbytai acíwt eraill y Bwrdd Iechyd a chyda chanolfannau trydyddol yng Ngogledd Orllewin Lloegr. Mae'r adran yn cymryd rhan mewn cyfarfodydd tîm amlddisgyblaethol gyda'r safleoedd eraill hyn. Mae cysylltiadau cryf hefyd yn bodoli gyda Phrifysgol Cymru, Bangor gan roi cyfle i ymgeiswyr archwilio eu diddordebau ymchwil neu ddysgu.

Prif ddyletswyddau'r swydd

Bydd yr ymgeisydd llwyddiannus yn ymuno â thîm o dri meddyg ymgynghorol parhaol sy'n bod eisoes.  Mae hon yn swydd deg PA gydag ymrwymiadau cleifion mewnol a chleifion allanol ac sy'n cyfrannu at y rota ar-alwad feddygol gyffredinol. Bydd cyfle i ddatblygu diddordeb is-arbenigol a chyfrannu at lwyth gwaith anadlol cyffredinol yr adran. Mae'r swydd wedi'i seilio ar 10 PAs gyda'r opsiwn i wneud sesiynau ychwanegol.  Mae cylchdro rhwng  y pedwar meddyg ymgynghorol llawn amser yn cael ei gynnig rhwng y ward resbiradol, y ward allanol ac atgyfeiriadau clefion mewnol. Mae angen trawsgyflenwi ar gyfer ymrwymiadau clefion mewnol pan fydd meddygon ymgynghorol ar wyliau. Yn ystod y misoedd oddi ar y ward, mae’r PA 'rowndiau ward' yn cael ei newid am sesiynau i weld cyfeiriadau

Gweithio i'n sefydliad

Bwrdd Iechyd Prifysgol Betsi Cadwaladr yw'r sefydliad iechyd mwyaf yng Nghymru, gan ddarparu amrywiaeth lawn o wasanaethau sylfaenol, cymunedol, iechyd meddwl ac ysbyty acíwt i boblogaeth o tua 676,000 o bobl ledled chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam). Caiff rhai ardaloedd yng Nghanolbarth Cymru, Swydd Gaer a Swydd Amwythig eu cwmpasu gan y Bwrdd Iechyd hefyd.

Mae'r Bwrdd Iechyd yn cyflogi tua 16,500 o staff ac mae ganddo gyllideb o tua £1.4 biliwn. Mae'n gyfrifol am redeg tri ysbyty cyffredinol dosbarth (Ysbyty Maelor Wrecsam yn Wrecsam, Ysbyty Glan Clwyd ger y Rhyl ac Ysbyty Gwynedd ym Mangor), yn ogystal â 22 o ysbytai acíwt a chymunedol eraill a rhwydwaith o fwy na 90 o ganolfannau iechyd, clinigau, timau iechyd cymunedol ac unedau iechyd meddwl. Mae'r Bwrdd Iechyd hefyd yn cydlynu gwaith 121 o bractisau meddygon teulu a gwasanaethau'r GIG a ddarperir yn y gogledd gan ddeintyddion, optegwyr a fferyllfeydd.

Mae'r Bwrdd Iechyd yn ardal fwyaf gogleddol Cymru, ger Parc Cenedlaethol prydferth Eryri ac mae'n ymestyn dros ardal ddaearyddol enfawr ac amrywiol. Mae'r morlin yng Ngogledd Cymru ymhlith y rhai mwyaf amrywiol ac ysblennydd yn y DU, gan gynnig cyfleoedd heb eu hail i gymryd rhan mewn gweithgareddau awyr agored mewn ardal o harddwch naturiol eithriadol.