Crynodeb o'r swydd
- Prif leoliad
- Nyrsio Ysgol
- Gradd
- Gradd 7
- Contract
- Parhaol
- Oriau
- Llawnamser - 37.5 awr yr wythnos
- Cyfeirnod y swydd
- 100-NMR273-0724
- Cyflogwr
- Bwrdd Iechyd Prifysgol Hywel Dda
- Math o gyflogwr
- NHS
- Gwefan
- I’w gadarnhau
- Tref
- I’w gadarnhau
- Cyflog
- £44,398 - £50,807 y flwyddyn
- Cyfnod cyflog
- Yn flynyddol
- Yn cau
- 15/07/2024 23:59
- Dyddiad y cyfweliad
- 23/07/2024
Teitl cyflogwr
![Bwrdd Iechyd Prifysgol Hywel Dda logo](https://static.trac.jobs/employer-logos/369.png)
Cydgysylltydd Datblygiad Proffesiynol – Nyrsio Ysgolion
Gradd 7
Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.
Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]
I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs
Sylwer bod ychwanegiad dros dro ar gyfer Bandiau 1,2 a 3 i adlewyrchu ymgorffori'r ychwanegiad i’r cyflog byw, sef £12 yr awr - £23,465 y flwyddyn. Bydd yr ychwanegiad dros dro hwn yn weithredol hyd nes y bydd y codiad cyflog blynyddol ar gyfer 2024/25 wedi’i gadarnhau.
Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.
Trosolwg o'r swydd
Mae'r gwasanaeth Nyrsio Ysgolion ym Mwrdd Iechyd Prifysgol Hywel Dda yn hynod o falch o fod yn hysbysebu swydd Band 7 newydd sbon ar gyfer Cydgysylltydd Datblygiad Proffesiynol ym maes Nyrsio Ysgolion.
Mae'r swydd yn un 37.5 awr yr wythnos, sy'n weithredol trwy gydol y flwyddyn.
Prif ddyletswyddau'r swydd
Rydym yn chwilio am Nyrs Ysgol (Nyrsio Ysgolion) Nyrsio Iechyd y Cyhoedd Cymunedol Arbenigol (SCPHN), sy'n brofiadol a brwdfrydig, ac sydd â'i chymhwyster wedi'i gofrestru ar Ran 3 o gofrestr y Cyngor Nyrsio a Bydwreigiaeth. Rhaid iddi feddu ar brofiad ôl-gofrestru cyfredol o weithio mewn tîm Nyrsio Ysgolion.
Rydym yn chwilio am unigolyn brwdfrydig, arloesol a dymunol, sy'n meddu ar y gallu i weithio gyda phob lefel o staff cymwys a heb gymhwyso, gan gynnwys myfyrwyr nyrsio Cyn-gofrestru ac Ôl-gofrestru.
Gan weithio'n agos gyda'r Uwch-nyrs, Arweinwyr Timau ac aelodau staff, byddwch yn arwain y gwaith parhaus o ddatblygu gwasanaeth hyfforddi ar gyfer y gweithlu Nyrsio Ysgolion ac yn cyfrannu at yr agenda sicrhau ansawdd.
Bydd lleoliad y swydd yn cael ei drafod â'r ymgeisydd llwyddiannus.
Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais.
Cyfweliadau i'w cynnal ar 23/07/24
Gweithio i'n sefydliad
Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.
Swydd ddisgrifiad a phrif gyfrifoldebau manwl
Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon.
Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg.
Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.
Mynediad ar unwaith i’n budd llesiant ariannol – Wagestream. Mae Wagestream yn adnodd ar gyfer bywyd bob dydd sy’n eich caniatáu i gael eich talu eich ffordd eich hun, a olrain eich cyflog mewn amser real, ffrydio hyd at 50% o’r cyflog rydych wedi ennill yn barod, dysgu awgrymiadau hawdd i reoli eich arian yn well ac arbed eich tâl yn syth o’ch cyflog.
Manyleb y person
Cymwysterau a Gwybodaeth
Meini prawf hanfodol
- Cymhwyster SCPHN – cymhwyster Nyrsio Ysgolion, ynghyd â chofrestriad cyfredol gyda'r Cyngor Nyrsio a Bydwreigiaeth
- Wedi'ch addysgu i Radd Meistr neu'n gweithio tuag at brofiad cyfatebol
- Gwybodaeth helaeth am Lywodraethu Clinigol ac am ofynion y Cyngor Nyrsio a Bydwreigiaeth ar gyfer y gwasanaeth
- Gwybodaeth helaeth am y 'Fframwaith ar Gyfer Gwasanaeth Nyrsio mewn Ysgolion i Gymru' a'r safonau cysylltiedig ar gyfer y gwasanaeth, ynghyd â dealltwriaeth o faterion strategol cyfredol ym maes Nyrsio Ysgolion
- Gwybodaeth fanwl am safonau cyfredol y Cyngor Nyrsio a Bydwreigiaeth ar ddirprwyo
- Gwybodaeth fanwl am bolisïau iechyd a chymdeithasol cyfredol a'r Agenda Iechyd y Cyhoedd
Meini prawf dymunol
- TAR neu'n gweithio tuag ati
- Cymhwyster mewn Rheolaeth/Arweinyddiaeth
Profiad
Meini prawf hanfodol
- Profiad o weithio yn rôl Nyrs Ysgol
- Gweithio mewn tîm
- Profiad o ddarparu hyfforddiant
- Profiad o ddiogelu, gan gynnwys plant sy'n derbyn gofal, amddiffyn plant a phlentyn mewn angen
- Newid a datblygu gwasanaeth
- Tystiolaeth o ddatblygiad proffesiynol parhaus
- Sgiliau T.G.
Meini prawf dymunol
- Profiad o addysgu mewn ystod o gyd-destunau clinigol/SAU
- Addysgu ar raglenni cyn-gofrestru ac ôl-gofrestru
- Profiad o ddatblygu ymarfer
Sgiliau iaith
Meini prawf dymunol
- Siaradwr Cymraeg (lefel 1)
Gofynion ymgeisio
Rhaid i chi gael cofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Dogfennau i'w lawrlwytho
Rhagor o fanylion / cyswllt ar gyfer ymweliadau anffurfiol
- Enw
- Barbara Morgan
- Teitl y swydd
- Head of Service School Nursing
- Cyfeiriad ebost
- [email protected]
- Rhif ffôn
- 07581 020993
Rhestr swyddi gyda Bwrdd Iechyd Prifysgol Hywel Dda yn Nyrsio a bydwreigiaeth neu bob sector