HealthJobsUK

Trosolwg o'r swydd

A ydych yn Ddeietegydd brwdfrydig a dynamig sy'n meddu ar sgiliau rhagorol o ran gweithio mewn tîm? A ydych yn chwilio am gyfle i weithio'n rhan o dîm arbenigol, gan ar yr un pryd gynnal profiad o gefnogi unigolion â nifer o ddiagnosisau gwahanol yn ymwneud â maetheg? Mae cyfle 
wedi dod ar gael i ymuno â'n tîm Deieteg Iechyd Meddwl ac Anableddau Dysgu dynamig, uchel ei barch, sy'n meddu ar weledigaeth ledled Hywel Dda. Bydd gan ddeiliad y swydd rywfaint o brofiad o weithio gydag unigolion â salwch meddwl a/neu anableddau dysgu, a bydd ganddo ymagwedd dosturiol a hyblyg at ofal Deietig; bydd yn cael cyfle i gymryd rhan mewn goruchwyliaeth a hyfforddiant clinigol yn rhan o'r broses o wella ei set sgiliau a'i ddatblygiad. 

Bydd deiliad y swydd yn cefnogi defnyddwyr y gwasanaeth yn y gwasanaethau iechyd meddwl ac anableddau dysgu sydd ag ystod o gyflyrau, gan weithio'n rhan o dîm un proffesiwn ac amlbroffesiwn. 

Bydd hyfforddiant ac addysg yn rhan ganolog o'r rôl hon, yn ogystal â darparu cymorth i hyfforddi myfyrwyr, a datblygu a gweithredu rolau ein gweithwyr cymorth Deieteg.

Rydym ni, y gwasanaeth, yn ymfalchïo yn y ffaith ein bod yn dîm cefnogol sy'n cefnogi llesiant staff a chydbwysedd rhwng bywyd a gwaith. Rydym yn croesawu ymgeiswyr sy'n dymuno trafod cyfleoedd i weithio'n hyblyg ac o bell. 

Bydd gwaith llawn amser neu ran-amser (o leiaf 22.5 awr) yn cael ei ystyried.

Prif ddyletswyddau'r swydd

Gweithio yn rôl deietegydd arbenigol iechyd meddwl ac anableddau dysgu ac yn aelod o dimau amlddisgyblaethol iechyd meddwl ac anableddau dysgu, yn rheoli llwyth achosion cymhleth ac amrywiol o gleifion, ac yn cefnogi eraill i weithio mewn modd effeithiol gyda phobl ag anghenion iechyd meddwl ac anableddau dysgu.

Defnyddio gwybodaeth a sgiliau arbenigol mewn perthynas â deieteg i wneud y canlynol: asesu, cynllunio a gweithredu triniaethau, a darparu ymyriadau deietig mewn amrywiaeth o leoliadau, gan gynnwys y gymuned, cleifion allanol, ac mewn ysbytai a lleoliadau grŵp, yn unol ag anghenion y claf, ei deulu a'i ofalwyr. 

Darparu addysg, hyfforddiant a chymorth arbenigol i ddatblygu gwybodaeth a sgiliau unigolion eraill sy'n gweithio gyda phobl ag anghenion iechyd meddwl neu anableddau dysgu, a hynny mewn perthynas â deiet a maetheg. Cyfrannu at waith y gwasanaethau deieteg ac iechyd meddwl, gan fynd ati i gymryd rhan yn y gwaith o'u datblygu, eu gwerthuso a'u gwella, ac o weithredu polisi, canllawiau a safonau. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.