HealthJobsUK

Trosolwg o'r swydd

MAE’R SWYDD HON AM GYFNOD PENODOL/SECONDIAD TAN 30/09/2025 OHERWYDD CYFNOD MAMOLAETH

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae hwn yn gyfle cyffrous i Fydwraig weithio yn Nhîm Cymunedol y Gwendraeth yn darparu pob agwedd o ofal Bydwreigiaeth i fenywod a’u teuluoedd yn y gymuned (yn gweithio yn ardaloedd Cross Hands, y Tymbl, Pontyberem a Llannon.

Byddwch yn allweddol wrth ddarparu a chynyddu Gofal dan Arweiniad Bydwragedd a hyrwyddo geni yn y cartref, yn ogystal â chefnogi'r Uned Gofal dan Arweiniad Obstetreg yn Ysbyty Cyffredinol Glangwili.

Byddwch hefyd yn gydlynydd gofal ar gyfer beichiogrwydd risg uchel, gan weithio'n agos gyda'r timau amlddisgyblaeth i sicrhau gwasanaeth di-dor o ansawdd uchel.

Mae hon yn swydd ran-amser (30 awr yr wythnos) am gyfnod penodol.

Prif ddyletswyddau'r swydd

Mae bydwraig yn gyfrifol am ei hymarfer ei hun ac felly bydd disgwyl i ddeiliad y swydd gynnal safon uchel o arbenigedd proffesiynol a sicrhau bod y safon uchaf o ofal bydwreigiaeth yn cael ei rhoi yn ystod y cyfnod cynenedigol, yn ystod yr enedigaeth ac ynystod y cyfnod ôl-enedigol.

Darparu arweinyddiaeth broffesiynol a mentora i fydwragedd llai profiadol a chymorth i gyd-weithwyr mewn tîm amlddisgyblaeth.

Darparu gofal cynenedigol, gofal yn ystod yr enedigaeth, a gofal ôl-enedigol i grŵp diffiniedig o fenywod, babanod a'u teuluoedd yn yr ysbyty ac yn y gymuned.

Cydweithredu a chysylltu â phob aelod o staff, y tîm gofal iechyd sylfaenol, a'r staff meddygol a bydwreigiaeth yn yr uned i geisio meithrin ysbryd tîm a sicrhau parhad gofal.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 02/08/24

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy;

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.