HealthJobsUK

Trosolwg o'r swydd

MAE’R SWYDD HON AM GYFNOD PENODOL/SECONDIAD TAN 30/09/2025 I CWRDD GOFYNION Y GWASANAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

A ydych yn teimlo'n angerddol ynghylch cefnogi plant a phobl ifanc i reoli'r heriau iechyd emosiynol ac iechyd meddwl y maent yn eu hwynebu yn y byd sydd ohoni? A ydych erioed wedi dymuno y gallech wneud gwahaniaeth yn gynnar ym mywyd plentyn neu berson ifanc i'w alluogi i ffynnu a thyfu? Mae cyfle cyffrous wedi dod ar gael yn y Gwasanaethau Iechyd Meddwl Arbenigol i Blant a'r Glasoed (S-CAMHS) i ymuno â 
gwasanaeth iechyd meddwl amlddisgyblaethol dynamig, sy'n tyfu.

Prif ddyletswyddau'r swydd

Bydd deiliad y swydd yn gweithio ochr yn ochr â'i gyd-weithwyr sy'n Ymarferwyr Iechyd Meddwl Sylfaenol, ac yn cael ei oruchwylio a'i gefnogi ganddynt, i ddarparu ymyriadau i blant a phobl ifanc yn rhan o Fesurau Iechyd Meddwl 2010 Llywodraeth Cymru. Bydd hyn yn cynnwys darparu cymorth uniongyrchol, yn ogystal â chysylltu plant a phobl ifanc â 
ffynonellau cymorth eraill a gweithgareddau buddiol yn y gymuned er mwyn bod o fudd i'w hiechyd emosiynol a'u hiechyd meddwl. Disgwylir i ddeiliad y swydd weithio mewn modd hyblyg yn rhan o dîm i ofalu bod gwasanaeth rhagorol yn cael ei ddarparu, gwasanaeth sy'n cynnwys gweithio ar benwythnosau, lle bo gofyn, i sicrhau hygyrchedd a 
pharhad y gwasanaeth a ddarperir.

Mae hwn yn gyfle cyffrous i weithiwr llawn cymhelliant sydd â phrofiad perthnasol ddatblygu ei brofiad a'i sgiliau clinigol ym maes iechyd meddwl plant a'r glasoed. Nid yw profiad ym maes y Gwasanaethau Iechyd Meddwl Arbenigol i Blant a'r Glasoed yn ofynnol, a byddem yn annog diddordeb gan amrywiaeth o ymgeiswyr sydd â phrofiad 
perthnasol.

Bydd yna gyfleoedd rhagorol ar gael ar gyfer hyfforddiant a datblygiad proffesiynol, a bydd deiliad y swydd yn destun goruchwyliaeth reoli a chlinigol.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 24/07/2024.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

47 o bractisau cyffredinol (6 ohonynt yn bractisau a reolir), 45 practis deintyddol (gan gynnwys 4 orthodontig), 96 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.