HealthJobsUK

Trosolwg o'r swydd

Ydych chi'n Ffisiotherapydd dynamig ac ymroddedig sy'n chwilio am gyfle sy'n rhoi boddhad?

Does dim angen i chi edrych ymhellach! Ar hyn o bryd, rydym yn chwilio am 
Ffisiotherapydd hynod o fedrus a llawn cymhelliant i ymuno â'n Tîm Adolygu Rhyddhau Amser i Ofalu (RTTCRT).

Yn rôl Ffisiotherapydd Cymunedol Arbenigol, byddwch yn cyfrannu at batrwm sy'n blaenoriaethu unigrywiaeth unigolion ac yn grymuso cleifion i gyflawni'r gweithrediad a'r ffyniant gorau posibl. Mae ein diwylliant wedi’i adeiladu ar gydweithrediad, lle mae eich angerdd yn ateb y diben, a'ch ymrwymiad yn gatalydd i lunio naratif adsefydlu ein cymuned.

Pwy ydym ni? 

Rydym yn dîm adolygu integredig arloesol, sefydledig sy'n cynnwys Therapyddion Galwedigaethol, Gweithwyr Cymorth Therapi a Gweithwyr Cymdeithasol. Rydym yn ymdrechu i ddarparu’r cymorth cywir ar yr adeg iawn, yn y lle iawn, a hynny mor agos â phosibl i gartref y claf, ac rydym yn edrych ymlaen yn fawr at groesawu Ffisiotherapydd i’r tîm – gan gydnabod yr arbenigedd gwerthfawr y bydd yn ei gynnig o ran adsefydlu a 
chynyddu annibyniaeth unigolion.

Yn dilyn cyfnod o salwch, anaf neu ddatblygiad afiechyd, mae ar unigolyn angen lefel uwch o ofal a chymorth yn aml. Yn yr RTTCRT rydym am ddarparu cymorth i'r unigolyn yn ystod cyfnod o'r fath, cymorth i wella ac adsefydlu yn ei gartref ei hun, gan fynd ati i asesu ei anghenion yn barhaus.

Prif ddyletswyddau'r swydd

Byddwch yn cynnal asesiad adolygu o’r unigolyn, a hynny gyda’r nod o ddarparu ymyriad a phroses adsefydlu i hybu gweithrediad, lleihau’r risg o ddatgyflyru, a gwella ei lesiant corfforol a seicolegol.

Yn dilyn ymyriad, a gyda chymorth y tîm amlddisgyblaethol ehangach sy'n ffurfio rhan o'r tîm hwn, byddech yn mynd ati i asesu mewn modd cymesur ac yn cytuno ar ba gymorth hirdymor y mae ar yr unigolyn ei angen. Byddech yn optimeiddio gallu annibynnol yr unigolyn i ofalu amdano'i hun ac i ddefnyddio cyfarpar arbenigol cyn rhagnodi'r pecyn gofal lleiaf ymyrrol iddo. Byddech yn anelu at wella bywydau pobl y mae arnynt angen 
cymorth yn y gymuned, a byddech yn sicrhau defnydd doeth o'n hadnoddau gofal prin.

A chithau'n fyfyriwr ôl-raddedig amryddawn, bydd gofyn i chi feddu ar sylfaen glinigol gref mewn adsefydlu pobl hŷn a chodi a chario cymhleth, ynghyd â gwybodaeth am gyflyrau amrywiol.

Bydd gofyn i'r ymgeisydd llwyddiannus feddu ar allu rhagorol i weithio'n annibynnol, gan reoli a blaenoriaethu llwyth achosion amrywiol. Bydd arnoch angen sgiliau rhesymu clinigol/datrys problemau profedig, a'r gallu i ddarparu ymyriadau cynhwysfawr a phroffesiynol trwy gyfrwng y broses asesu adolygiadau. Byddwch yn meddu ar sgiliau ysgogi a chysuro, a disgwylir i chi gefnogi staff ffisiotherapi iau, gweithwyr cymorth 
therapi a myfyrwyr, gan fod â rhan yn y gwaith o'u goruchwylio.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.