HealthJobsUK

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS (31.07.25)  GOFYNION Y GWASANAETH  

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Daw’r swydd hon ar gael yn ystod cyfnod o Drawsnewid Gwasanaethau mewn ymateb i anghenion newidiol pobl ag anabledd dysgu a’r agenda genedlaethol ar gyfer gwella. Os byddwch yn llwyddiannus, byddwch yn chwarae rhan hanfodol yn y cyfnod cyffrous hwn o newid, a hynny trwy gyfrannu at gynllunio model gwasanaeth newydd sy'n darparu gwasanaethau hyblyg ac ymatebol.

Byddwch yn cael y cyfle i weithio'n agos gyda chyd-weithwyr eraill ledled y gwasanaeth Anableddau Dysgu a'r Trydydd Sector, gan ddarparu cymorth, cyngor a hyfforddiant arbenigol i gleifion, teuluoedd, gofalwyr a gweithwyr proffesiynol ym maes Gofal Sylfaenol neu mewn ysbytai.

Dylai ymgeiswyr feddu ar brofiad o weithio gyda phobl ag anableddau dysgu. Bydd hyfforddiant ychwanegol ar gael, a chewch eich cefnogi i ddatblygu eich proffil cymhwysedd clinigol eich hun ac i feithrin sgiliau ym maes Anableddau Dysgu.

Prif ddyletswyddau'r swydd

Rydym yn chwilio am weithiwr cymorth gofal iechyd sy'n meddu ar y sgiliau addas i ymuno â'n Tîm Cyswllt Anableddau Dysgu sy'n cwmpasu'r tair sir. Mae'r Tîm Cyswllt yn darparu cymorth i bobl ag anableddau dysgu er mwyn gwella mynediad at wasanaethau Gofal Sylfaenol a'r rheiny sy'n cael eu derbyn i ysbytai cyffredinol.

Y prif gyfrifoldeb ar gyfer y rôl hon yw lleihau anghydraddoldebau iechyd ar gyfer unigolion ag Anableddau Dysgu. Bydd yn ofynnol i chi weithio mewn Ysbytai Cyffredinol a lleoliadau Gofal Sylfaenol, h.y. Meddygfeydd Teulu, i sicrhau bod unigolion yn cael gofal o'r safon uchaf o safbwynt Anableddau Dysgu.

Bydd yna elfen o roi hyfforddiant i staff, cleientiaid, teuluoedd a gofalwyr, felly mae sgiliau cyflwyno yn ddymunol ar gyfer y swydd hon; fodd bynnag, bydd hyfforddiant yn cael ei ddarparu.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Cynhelir y cyfweliadau ar 26/07/24

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.