Trosolwg o'r swydd

Mae cyfle datblygu cyffrous iawn wedi dod ar gael o fewn yr Uned Gofal Coronaidd ar gyfer Prif Nyrs Iau Band 6.

Mae'r uned yn cynnwys chwech gwely gofal coronaidd acíwt, ynghyd â saith gwely cardiaidd cam-i-lawr. Mae'r Uned Gofal Coronaidd hefyd yn derbyn cleifion ar y llwybr Trin a Dychwelyd Adref Ysbyty Treforys. 

O fod yn rhan o'n tîm cyfeillgar, cefnogol a phroffesiynol byddwch yn gweithio'n agos gydag arbenigeddau eraill a'r tîm amlddisgyblaethol yn yr ysbyty i ofalu am gleifion sy'n ddifrifol wael ym meysydd nyrsio.

Rydym am recriwtio nyrs uchel ei chymhelliant a brwdfrydig, sy'n canolbwyntio ar y claf, ac sydd â diddordeb penodol mewn nyrsio cardiaidd.

Bydd rhaglen datblygiad proffesiynol yn cael ei datblygu i sicrhau bod yr 
ymgeisydd llwyddiannus yn elwa ar yr addysg a'r hyfforddiant angenrheidiol ar gyfer y rôl.

Bydd deiliad y swydd yn gyfrifol am ddarparu gofal unigol ei ogwydd ac o safon uchel i'n cleifion. Bydd angen i ymgeiswyr feddu ar sgiliau cyfathrebu a threfnu rhagorol.

Mae tystiolaeth o ddatblygiad proffesiynol parhaus yn hanfodol.

Prif ddyletswyddau'r swydd

Byddwch yn cynorthwyo'r Uwch-brif Nyrs i ddatblygu polisïau, gweithdrefnau a phrotocolau perthnasol ar gyfer ei maes cyfrifoldeb, gan sicrhau eu bod yn bodloni meini prawf cenedlaethol, lleol a phroffesiynol, a'u dwyn i sylw'r Uwch-reolwr Nyrsio i gytuno arnynt cyn eu cyflwyno i'w cadarnhau. 

Cyfuno ymarfer clinigol rhagorol â'r gwaith o ddydd i ddydd o gydgysylltu shifftiau, ynghyd ag ymgymryd â chyfrifoldebau arwain a rheoli i gefnogi'r Uwch-brif Nyrs.

Cydweithio â'r Uwch-brif Nyrs, a'i chefnogi'n barhaus, gan ddirprwyo/ofalu am y maes/tîm clinigol yn absenoldeb yr Uwch-brif Nyrs.

Darparu sgiliau rheoli ac arwain goruchwyliol mewn amgylchedd clinigol sy'n gymhleth a lle ceir pwysau mawr.

Darparu arweinyddiaeth ac arweiniad nyrsio proffesiynol (yn unol â safonau'r Cyngor Nyrsio a Bydwreigiaeth) a chyngor clinigol, yn ogystal ag ymgymryd â gweithgareddau rheoli a monitro i sicrhau y cynhelir safonau uchel bob amser mewn perthynas â gofal nyrsio.

Gweithio ochr yn ochr ag aelodau'r tîm nyrsio, gan roi cymorth i gyd-weithwyr iau wrth iddynt ddarparu gofal uniongyrchol.

Cyfrannu mewn modd rhagweithiol at weithredu Safonau ar gyfer Addysg (2018) y Cyngor Nyrsio a Bydwreigiaeth, gan gynnwys y safonau ar gyfer goruchwylio ac asesu myfyrwyr.

Arwain a bod yn esiampl mewn perthynas â datblygu a mentora staff newydd a staff eraill.

Amlygu gwerthoedd y Bwrdd Iechyd ym mhopeth y byddwch yn ei wneud yn yr amgylchedd gwaith. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.