HealthJobsUK

Trosolwg o'r swydd

Rydym yn chwilio am Nyrsys Cofrestredig brwdfrydig ac ymroddedig i ymuno â'n timau Nyrsio yn Ysbyty Cyffredinol Bronglais, Aberystwyth, Ceredigion.

Mae cyfleoedd ar gael yn y meysydd canlynol:

Y Ganolfan Gofal Brys ac Mewn Argyfwng – yn trin oedolion a phlant, yn yr ardal Damweiniau ac Achosion Brys, ardal yr Uned Penderfyniadau Clinigol ar gyfer asesu cleifion sy'n oedolion a'r Uned Mân Anafiadau sy'n trin oedolion a phlant, fel ei gilydd

Ward Dyfi – yn arbenigo mewn cleifion meddygol cyffredinol. Ward Gofal Cardiaidd, ac yn cynnwys pum gwely ar gyfer cleifion cardiaidd acíwt a gwelyau monitro pellach.

Ward Ystwyth – ward Strôc ac Eiddilwch sy'n cynnwys Uned Strôc Tra Acíwt â phedwar gwely

Ward Rhiannon – ward llawdriniaethau dewisol/orthopedig sy'n cynnwys ardal dibyniaeth fawr â thri gwely

Ward Ceredig – ward llawfeddygol/orthopedig frys

Ward/anecs y Banwy – ward anadlol/atal heintiau

Prif ddyletswyddau'r swydd

Rydym yn chwilio am nyrsys sy'n angerddol ynghylch darparu'r gofal gorau posibl, yn meddu ar sgiliau cyfathrebu rhagorol, ac yn barod i weithio'n rhan o dîm amlddisgyblaethol ymrwymedig a medrus.

Mae gennym ddiwylliant dysgu cadarnhaol ac rydym yn cynnig cyfleoedd datblygu proffesiynol cynhwysfawr rhagorol i sicrhau bod ein Nyrsys yn cael eu cefnogi yn ei rolau newydd a chyffrous, ac mae yna gyfleoedd hyfforddi digonol ar gael, ynghyd â chymorth clinigol arbenigol gan ein staff mwyaf profiadol. Mae gennym hefyd raglen breceptoriaeth ragorol ar gyfer nyrsys newydd gymhwyso.

Byddwch yn mwynhau amodau cyflogaeth ardderchog, ac rydym yn gwbl ymrwymedig i gefnogi cyflogeion i gyflawni'r cydbwysedd priodol rhwng bywyd a gwaith, gan hefyd gynnig cymorth gofal a llesiant ochr yr ochr â threfniadau gweithio'n hyblyg.

Mae ein gwasanaethau brys yn gweithredu 24/7, fel y mae mynediad at ein harbenigeddau acíwt, gofal critigol, gofal cardiaidd a'r Uned Dibyniaeth Uchel llawfeddygol.

Mae'r Tîm Nyrsio yn ffynnu ar wella ei ardaloedd clinigol i sicrhau bod y claf yn cael y profiad gorau posibl. Ein nod yw grymuso'r proffesiwn nyrsio ar bob lefel ymarfer i wella diogelwch ac ansawdd y gwasanaethau. Byddwn yn gwneud hyn trwy fuddsoddi yn ein gweithlu a'i ddatblygu trwy barchu'r cyfraniad y mae ein staff yn ei wneud i'n cleifion a'r sefydliad.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.