Crynodeb o'r swydd
- Prif leoliad
- Diogelu Iechyd
- Gradd
- Gradd 6
- Contract
- Parhaol
- Oriau
- Llawnamser - 37.5 awr yr wythnos
- Cyfeirnod y swydd
- 028-NMR020-0824
- Cyflogwr
- Ymddiriedolaeth GIG Iechyd Cyhoeddus Cymru
- Math o gyflogwr
- NHS
- Gwefan
- I'w gadarnhau
- Tref
- I'w gadarnhau
- Cyflog
- £35,922 - £43,257 Y flwyddyn
- Cyfnod cyflog
- Yn flynyddol
- Yn cau
- 12/09/2024 23:59
- Dyddiad y cyfweliad
- 27/09/2024
Teitl cyflogwr
![Ymddiriedolaeth GIG Iechyd Cyhoeddus Cymru logo](https://static.trac.jobs/employer-logos/200.png)
Ymarferydd Diogelu Iechyd/Nyrs
Gradd 6
Croeso i Iechyd Cyhoeddus Cymru, asiantaeth iechyd cyhoeddus genedlaethol Cymru
Ein gweledigaeth yw Gweithio i wireddu dyfodol iachach i Gymru
Am ragor o wybodaeth amdanom, ewch i’n tudalen hafan, darllenwch am ein cynllun strategol
Dilynwch ni ar Twitter, Facebook, LinkedIn and Instagram
Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.
Trosolwg o'r swydd
Nyrs neu Ymarferydd Diogelu Iechyd
Lleoliad/safle: Gweithio ystwyth - y swyddfa Iechyd Cyhoeddus Cymru agosaf
Dyddiad y cyfweliad: 27 Medi 2024
Mae cyfle cyffrous wedi codi i nyrs gofrestredig brofiadol neu ymarferydd cofrestredig priodol neu weithiwr proffesiynol perthynol i iechyd (gweler manyleb y person) ymuno â Thîm Diogelu Iechyd Cymru Gyfan.
Rydym yn chwilio am unigolyn deinamig a brwdfrydig sydd â phrofiad ym maes diogelu iechyd i weithio ym maes clefydau trosglwyddadwy, atal a rheoli heintiau, ac agweddau eraill ar ddiogelu iechyd.
Bydd deiliad y swydd yn gweithio mewn partneriaeth ag aelodau eraill o'r Tîm Diogelu Iechyd a'r Is-adran Diogelu Iechyd ehangach i oruchwylio, atal a rheoli amrywiaeth o glefydau heintus a materion diogelu iechyd eraill.
Prif ddyletswyddau'r swydd
Bydd deiliad y swydd yn gweithredu fel aelod allweddol o wasanaeth Ymateb Acíwt Cymru Gyfan (AWARe), gan gymryd rhan (y rhan fwyaf o ddyddiau) yn y rota ar gyfer darparu’r ymateb diogelu iechyd acíwt. Bydd yn ymateb i ystod o hysbysiadau, ymholiadau a digwyddiadau ac yn rhoi cyngor diogelu iechyd i weithwyr iechyd proffesiynol eraill ac aelodau'r cyhoedd.
Yn ogystal â darparu AWARe, bydd deiliad y swydd hefyd yn gweithio gydag Uwch Weithwyr ac Ymgynghorwyr Diogelu Iechyd (Nyrsys/Ymarferwyr) ar waith rhagweithiol wedi'i gynllunio ar lefel leol a rhanbarthol. Bydd hyn yn golygu gweithio ar y cyd ag asiantaethau eraill (fel Byrddau Iechyd ac Awdurdodau Lleol) i ddarparu gwasanaeth diogelu iechyd arbenigol i boblogaeth Cymru.
Bydd gofyn i ddeiliad y swydd gymryd rhan mewn cyflwyno'r gwasanaeth y tu allan i oriau sy'n rhedeg o ddydd Llun i ddydd Sul gan gynnwys gwyliau banc.
Mae'r swydd yn un ystwyth. Bydd gofyn i staff weithio yn y swyddfa a gartref. Bydd natur y swydd yn gofyn am gyfnodau sylweddol o amser yn defnyddio cyfrifiadur a ffôn.
Bydd disgwyl i ddeiliad y swydd weithio gyda thimau/rhaglenni eraill o fewn yr adran fel y penderfynir gan ei reolwr llinell.
Mae’n bosibl y bydd gofyn i ddeiliad y swydd deithio at ddibenion hyfforddiant, cyfarfodydd ac ymweliadau â safleoedd eraill.
Mae'r gallu i siarad Cymraeg yn ddymunol ar gyfer y swydd hon. Bydd Iechyd Cyhoeddus Cymru yn cefnogi’r staff hynny sydd am ddatblygu eu sgiliau Cymraeg.
Gweithio i'n sefydliad
Iechyd Cyhoeddus Cymru yw Sefydliad Iechyd y Cyhoedd cenedlaethol Cymru. Ein gweledigaeth yw ‘Gweithio i wireddu dyfodol iachach i Gymru’. Rydym yn chwarae rhan ganolog mewn ysgogi gwelliannau o ran iechyd a llesiant y boblogaeth, lleihau anghydraddoldebau iechyd, gwella canlyniadau gofal iechyd, diogelu'r cyhoedd a chefnogi datblygiad iechyd ym mhob polisi ledled Cymru.
Caiff ein sefydliad ei arwain gan ein gwerthoedd “Cydweithio, gydag ymddiriedaeth a pharch, i wneud gwahaniaeth”. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant. Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.
I gael rhagor o wybodaeth am weithio i ni, y buddion a gynigiwn a'r arweiniad ar y broses ymgeisio, ewch i https://icc.gig.cymru/gweithio-i-ni/gwybodaeth-a-chanllawiau-i-ymgeiswyr/
Swydd ddisgrifiad a phrif gyfrifoldebau manwl
Byddwch yn gallu dod o hyd i ddisgrifiad Swydd llawn a Manyleb Person sydd ynghlwm o fewn y dogfennau ategol neu cliciwch "Gwnewch gais nawr" i'w weld yn Trac.
Manyleb y person
Cymwysterau
Meini prawf hanfodol
- Cofrestru priodol fel yr amlinellir yn y fanyleb person
- O leiaf gradd Baglor neu gyfwerth mewn pwnc perthnasol
Meini prawf dymunol
- Cymhwyster atal a rheoli heintiau cydnabyddedig
Profiad
Meini prawf hanfodol
- Profiad o ddiogelu iechyd neu atal a rheoli heintiau
- Profiad o weithio mewn tîm amlddisgyblaethol
- Profiad o ddelio â sefyllfaoedd sensitif neu anodd
Meini prawf dymunol
- Profiad mewn ymchwil ac archwilio
Sgiliau
Meini prawf hanfodol
- • Sgiliau datrys problemau a'r gallu i ymateb i ofynion sydyn ac annisgwyl o fewn eich maes cyfrifoldeb
- • Y gallu i ddadansoddi a dehongli amrywiaeth o wybodaeth
- Sgiliau cyfathrebu llafar ac ysgrifenedig ardderchog
Gwybodaeth
Meini prawf hanfodol
- Gwybodaeth am y prif egwyddorion sy'n sail i glefydau heintus, atal a rheoli heintiau, a brechu ac imiwneiddio
- Dealltwriaeth o ymarfer sy'n seiliedig ar dystiolaeth a chymhwysiad ymarferol cysylltiedig
Meini prawf dymunol
- Dealltwriaeth o bwysigrwydd cydweithredu effeithiol â rhanddeiliaid
Priodoleddau Personol
Meini prawf hanfodol
- • Y gallu i gyfleu gwybodaeth gymhleth a sensitif
- • Ymrwymedig i hunanddatblygiad a pharodrwydd i rannu profiad ag eraill i ddylanwadu ar ymarfer
Gofynion ymgeisio
Rhaid i chi gael cofrestriad proffesiynol priodol yn y DU.
Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.
Mae sgiliau iaith Gymraeg yn ddymunol
Dogfennau i'w lawrlwytho
Rhagor o fanylion / cyswllt ar gyfer ymweliadau anffurfiol
- Enw
- Darren Beynon
- Teitl y swydd
- Lead Health Protection Practitioner
- Cyfeiriad ebost
- [email protected]
- Gwybodaeth i gefnogi eich cais
Victoria Dunsford
Rhestr swyddi gyda Ymddiriedolaeth GIG Iechyd Cyhoeddus Cymru yn Nyrsio a bydwreigiaeth neu bob sector