HealthJobsUK

Trosolwg o'r swydd

Rydym yn chwilio am Wyddonydd Biofeddygol Cofrestredig HCPC gyda phrofiad perthnasol mewn Microbioleg ddiagnostig, i ymuno â Gwasanaeth Microbioleg Iechyd Cyhoeddus Cymru yn Ysbyty Glan Clwyd

Mae gan Microbioleg Gogledd Cymru Iechyd Cyhoeddus Cymru labordy canolog (hwb) o fewn adeilad patholeg newydd yn Ysbyty Glan Clwyd (Bodelwyddan) ac mae ganddo is-labordai gwasanaeth aciwt yn Ysbyty Gwynedd (Bangor) ac Ysbyty Maelor (Wrecsam).  Lleolir y swydd hon yn bennaf yn Ysbyty Glan Clwyd (Rhyl) ond bydd gofyn i ddeiliad y swydd gefnogi'r labordai eraill pan fo angen. Mae Microbioleg Gogledd Cymru yn darparu ystod eang o wasanaethau diagnostig i ysbytai, clinigau a meddygon teulu ar draws Gogledd Cymru. Mae'r labordy'n darparu bacterioleg ddiagnostig, seroleg firaol, buddion o Kiestra Automation ac ystod o lwyfannau moleciwlaidd. Mae'r labordy wedi'i achredu gan ISO 15189 ac wedi'i gymeradwyo at ddibenion hyfforddi.  

Prif ddyletswyddau'r swydd

Bydd angen i ymgeiswyr fod wedi'u haddysgu i lefel Meistr neu feddu ar ddiploma arbenigol uwch. Bydd angen i ymgeiswyr allu dangos sgiliau rhyngbersonol a chyfathrebu datblygedig a'r gallu i arwain a chefnogi gwaith unigol a gwaith tîm. Bydd yr ymgeisydd llwyddiannus yn goruchwylio rhan ddiffiniedig o'r labordy, yn ymgymryd ag agweddau ar waith labordy diagnostig ac yn cefnogi'r Rheolwr Gweithredol i fwrw ymlaen ag amcanion gwasanaeth a gweithlu allweddol.

Mae'r labordy'n gweithredu gwasanaeth 7 diwrnod, 24 awr a bydd patrymau gwaith yn cynnwys shifftiau ar ddyddiau craidd, gyda'r nos ac ar benwythnosau ar batrwm cylch.

Mae gogledd Cymru yn elwa o fynediad hawdd i’r arfordir, mynyddoedd ac mae’n agos at Lerpwl, Caer a’r cyfan sydd gan fywyd y ddinas i’w gynnig – felly darperir ar gyfer cerddwyr, dringwyr, beicwyr, morwyr, siopwyr a cheiswyr bywyd nos – rhywbeth at ddant pawb.  Mae gan Ogledd Cymru hefyd dai fforddiadwy a thrafnidiaeth gyhoeddus dda a chysylltiadau ffordd ar draws Cymru i Loegr a thu hwnt - gydag Iwerddon hefyd dim ond taith fer ar gwch i ffwrdd.

Anogir ymweliadau anffurfiol, dewch i weld y labordy a chwrdd â'r tîm.

Mae'r gallu i siarad Cymraeg yn ddymunol ar gyfer y swydd hon ond nid yw'n hanfodol. Mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Ni yw Iechyd Cyhoeddus Cymru - asiantaeth iechyd cyhoeddus genedlaethol Cymru. Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol. 

Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru. Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd.

Caiff ein sefydliad ei arwain gan ein gwerthoedd 'Cydweithio, gydag ymddiriedaeth a pharch, i wneud gwahaniaeth'. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)