HealthJobsUK

Swydd ddisgrifiad a phrif gyfrifoldebau manwl

Sgiliau Dadansoddi a Barnu
 Defnyddio craffter gyda ffeithiau a ffigurau cymhleth iawn a sefyllfaoedd sy’n gofyn am ddadansoddi, dehongli, a chymharu llu o opsiynau.
CAJE REF 6C6/2024/0028
PPROVED 24/07/2024
 Bod yn gallu dadansoddi ac asesu gwybodaeth groes lle gallai arbenigwyr fod â barn wahanol, neu os nad yw’r wybodaeth yn ddichonol o 
bosibl gan ddibynnu ar farn a meddwl beirniadol er mwyn sicrhau canlyniad priodol.
 Mewn cydweithrediad â’r tîm cyllid partneriaid busnes, ac uwch-ddeiliaid cyllidebau, datblygu amcanestyniadau ariannol manwl i reoli a 
goruchwylio’r gwaith o sicrhau sefyllfa alldro ariannol cadarn sy’n cyd-fynd â’r cynllun ariannol blynyddol cymeradwy, gan sicrhau gwerth am 
arian a bod unrhyw raglenni gwella costau a chynlluniau effeithlonrwydd rhyddhau arian gofynnol yn cael eu cyflawni.
 Arwain y gwaith o fesur effaith cynlluniau newydd, cynigion sy’n seiliedig ar dystiolaeth, a llunio cynlluniau gweithredu a chynlluniau gwireddu 
manteision.
 Cynghori ar fesur a rheoli perfformiad ariannol a gan ddefnyddio meincnodi, i wella perfformiad drwy ddysgu oddi wrth yr arferion gorau sydd 
ar gael.
 Dadansoddi’r holl fetrigau sy’n berthnasol i’r perfformiad gorau un a chefnogi’r ymgyrch i sicrhau gwelliant mewn cyflawniad a pherfformiad 
ariannol.
Sgiliau Cynllunio a Threfnu
 Cynllunio a blaenoriaethu eich gwaith eich hun, i sicrhau bod pob maes yn cael cefnogaeth effeithiol a bod yr amcanion allweddol yn cael eu 
cyflawni.
 Cefnogi’r gwaith o sefydlu fframweithiau a chynlluniau strategol hirdymor gan sicrhau eu bod yn cyd-fynd â chynlluniau strategol Llywodraeth 
Cymru a’r cyd-destun cyflawni.
 Monitro ac adolygu’n rheolaidd amrywiol gynlluniau cyflawni, gan ymyrryd pan fo gofyn gwneud hynny i sicrhau bod y cyflawni’n glynu wrth y 
trywydd iawn.
 Yn gyfrifol am effeithiolrwydd y dulliau monitro ariannol fel ffordd o adolygu’n barhaus gyflawniad ac iechyd ariannol cynaliadwy sefydliadau 
yn erbyn yr holl raglenni gwella.
 Sicrhau bod y newidiadau a weithredir, y polisïau a’r fframweithiau a ysgrifennir, a’r cysyniadau a ddatblygir yn gydnaws â chanllawiau 
diweddaraf Llywodraeth Cymru a’i hymarfer gorau sy’n seiliedig ar dystiolaeth.
 Arwain mewn asesiadau ariannol proffesiynol o’r darlun cyfannol cyffredinol o gynaliadwyedd a pherfformiad ariannol fesul sefydliad.
Rheoli ac Arwain
 Yn gyfrifol am fod yn rheolwr llinell ac am roi cefnogaeth broffesiynol i amryfal Unedau Busnes yng Ngweithrediaeth y GIG.
 Sicrhau bod y swyddogaeth partner busnes cyllid a ddarperir i Weithrediaeth y GIG yn rhagweithiol ac yn ddylanwadol yn ei gyfraniad i 
gynllun strategol a gweithredol y sefydliad ac annog a sicrhau bod diwylliant o welliant parhaus, datblygiadau arloesol a rhagoriaeth 
broffesiynol yn cael eu cyflawni.
 Gweithio ochr yn ochr â’r Cyfarwyddwyr ac uwch-ddeiliaid cyllidebau i ddarparu cyngor busnes a rheoli ariannol proffesiynol sy’n cynnwys 
pob agwedd ar y gwaith o ddarparu gwasanaethau.
 Darparu arweinyddiaeth a chyfeiriad ar draws sefyllfaoedd lle bo angen cyfleu a gweithredu syniadau a chysyniadau cymhleth iawn ar 
draws y sefydliad mewn iaith hawdd ei deall.
 Darparu cyfeiriad, arweinyddiaeth a chymhelliant i’r timau cyllid partneriaid busnes i sicrhau proffesiynoldeb, effeithlonrwydd, ac 
effeithiolrwydd o’r radd flaenaf wrth gyflwyno’r gwasanaethau partner busnes ariannol, gan sicrhau bod y gweithgaredd yn cyd-fynd yn llwyr 
â busnes y sefydliad. Bydd hyn yn cynnwys hyfforddi a mentora, cynllunio adnoddau, gosod safonau, rheoli perfformiad, datblygu unigolion 
a’r tîm.
 Ysgogi gwelliannau ym mherfformiad ariannol GIG Cymru drwy sefydlu, lledaenu, a chefnogi gwelliannau drwy’r arfer gorau.
Datblygu a Gweithredu Polisïau a Gwasanaethau
 Ysgwyddo rôl arweiniol i ddatblygu proses barhaus ar gyfer cysoni adnoddau gyda’r polisi, llywio penderfyniadau ac adnabod cyfleoedd i 
fuddsoddi a dad-fuddsoddi.
 Gweithio gyda rhanddeiliaid a sefydliadau partner fel sy’n briodol mewn cynlluniau cydweithredol i ddatblygu strategaethau a 
gwasanaethau ar y cyd
 Datblygu modelau i foderneiddio strwythurau sy’n cefnogi ffyrdd newydd o weithio a datblygiadau mewn gwasanaethau i’r dyfodol.
 Sicrhau y mabwysiadir dull gweithredu cyson ar gyfer yr holl agweddau ar werth ariannol, gan gynnwys defnyddio modelau gwireddu 
manteision yn fwy effeithiol wrth lunio achosion busnes.
 Ysgrifennu polisïau a fframweithiau newydd yn ôl y gofyn oherwydd digwyddiadau newydd a blaenoriaethau Llywodraeth Cymru.
Rheoli Adnoddau:
 Sicrhau bod systemau llywodraethu, rheoli ariannol a rheoli risg cadarn yn gweithredu yn y sefydliad.
 Ysgwyddo rôl arweinydd er mwyn defnyddio, monitro a rheoli cyllidebau gweithredol yn effeithiol yng Ngweithrediaeth y GIG. Bydd hyn yn 
cynnwys adolygu blaenoriaethau, pennu cyllidebau, goruchwylio cyllidebau dirprwyedig a rheoli a chaffael offer cyfalaf, er mwyn sicrhau y 
cydymffurfir â Rheolau Sefydlog a Chyfarwyddiadau Ariannol Sefydlog y sefydliad a sicrhau trefn lywodraethu gorfforaethol effeithiol.
 Darparu cyngor proffesiynol diduedd a gwneud dadansoddiadau a dehongliadau ariannol ystyrlon, i helpu i lunio strategaethau, cynlluniau 
ac i wneud penderfyniadau.
 Ysgwyddo rôl arweiniol i ddatblygu proses barhaus ar gyfer cysoni’r adnoddau gyda’r blaenoriaethau.
 Monitro ac adolygu’n rheolaidd sut caiff cynlluniau eu cyflwyno law yn llaw â Llywodraeth Cymru gan sicrhau bod datganiadau cyllideb
rheolaidd yn cael eu hadolygu’n gyflym a bod gan eich cydweithwyr ddealltwriaeth glir o effaith yr amrywiadau cyfredol sylweddol ar yr 
alldro. 
 Sicrhau eich bod yn chwarae rhan amlwg a bod gennych ddylanwad ar benderfyniadau busnes pwysig er mwyn sicrhau bod yr effeithiau, y 
cyfleoedd, a’r risgiau uniongyrchol a mwy hirdymor yn cael eu hystyried yn llawn a’u bod yn gydnaws â’r strategaeth ariannol gyffredinol.
 Sicrhau bod holl ofynion y systemau a’r cynllun dirprwyo ar waith er mwyn helpu i gyflwyno adroddiadau ariannol yn effeithlon ac effeithiol.
 Gweld cyfleoedd i ddefnyddio’r adnoddau sydd ar gael i’r sefydliad yn y ffordd orau er mwyn gwella’r gofal i gleifion a sicrhau’r gwerth gorau 
ar yr un pryd.
Ymchwilio a Datblygu
 Bydd deilydd y swydd yn gyfrifol am archwiliadau ansoddol a meintiol y Gyfarwyddiaeth er mwyn llywio gwelliannau mewn Gwasanaethau 
i’r dyfodol
 Arwain y gwaith asesu a datblygu neu ymchwilio ar yr arfer gorau rhyngwladol mewn meysydd strategol allweddol sy’n cyd-fynd ag
amcanion y Swyddogaeth ac fel sy’n ofynnol gan Lywodraeth Cymru