HealthJobsUK

Trosolwg o'r swydd

Mae Partneriaeth Cydwasanaethau GIG Cymru (PCGC) yn sefydliad cydwasanaethau heb ei debyg. Rydym yn darparu ystod eang o wasanaethau cymorth i sefydliadau ar draws y GIG yng Nghymru. Yn y blynyddoedd diwethaf, rydym wedi ehangu ein portffolio o wasanaethau, fel y nodir yn ein Cynllun Tymor Canolig Integredig (IMTP) ar gyfer 2024-2027. Rydym bellach yn sefydliad sy'n cyflogi mwy na 5,000 o staff gyda chyllideb o dros £600 miliwn. Mae’r Pennaeth Parodrwydd, Gwydnwch ac Ymateb Brys yn swydd newydd gyffrous gyda chyfrifoldeb am lunio, gweithredu a darparu ymateb brys a strategaeth gwydnwch ar gyfer y sefydliad, sydd wedi’i dylunio i danategu’r gwaith o gyflawni ein IMTP. Rydym angen arbenigwr mewn cynllunio at argyfyngau i ymuno â'n tîm a gweithredu fel y prif bwynt cyswllt ar gyfer cynllunio parhad busnes ac i arwain ar ymateb i ddigwyddiadau. Bydd deiliad y swydd yn adrodd i'r Cyfarwyddwr Cynllunio, Perfformiad a Gwybodeg, a bydd ganddo’r ymreolaeth i weithio'n agos gyda'n Cyfarwyddwyr. Bydd yn rhoi sicrwydd bod trefniadau’n addas i’r diben o fewn a thu allan i oriau gwaith safonol, ac yn galluogi cyflawni amcanion busnes allweddol PCGC.  Bydd deiliad y swydd yn gweithio ar y cyd ar draws y sefydliad, gyda chydweithwyr o fewn GIG Cymru, a lle bo’n berthnasol, awdurdodau cyhoeddus eraill gan gynnwys Llywodraeth Cymru. Bydd gofyn iddo gynrychioli PCGC yn aml mewn cyfarfodydd ar lefel genedlaethol.

Prif ddyletswyddau'r swydd

• Gweithredu fel adnodd arbenigol a phwynt cyswllt ar gyfer rheoli Parhad Busnes Strategol, Argyfyngau Sifil Posibl a Chynllunio at Argyfyngau ar draws Partneriaeth Cydwasanaethau GIG Cymru. • Arwain ar ddadansoddi a dehongli polisi cenedlaethol i hwyluso datblygu, cynnal ac adolygu cynlluniau parhad busnes corfforaethol hirdymor, rheoli cynllunio at argyfyngau ac ymateb a gwydnwch sefydliadol. • Darparu cymorth rheoli proffesiynol i’r Cyfarwyddwr Cynllunio, Perfformiad a Gwybodeg i sicrhau bod PCGC yn cyflawni ac yn cynnal ei gyfrifoldebau o ran canllawiau perthnasol Llywodraeth Cymru, cynllunio parhad busnes, Parodrwydd, Gwydnwch ac Ymateb Brys a lle bo’n berthnasol, swyddogaethau o dan y Ddeddf Argyfyngau Sifil Posibl (2004). • Cynllunio a chydlynu digwyddiadau hyfforddi yn ymwneud ag Argyfyngau a Pharhad Busnes, gan gynnwys cynllunio senarios a hyfforddiant. Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.