Trosolwg o'r swydd

Datblygwr Adnoddau Addysgol Fferylliaeth ac Arweinydd Rhaglen Iaith Gymraeg

Mae cyfle cyffrous wedi dod ar gael yn Addysg a Gwella Iechyd Cymru (AaGIC) i weithiwr Fferylliaeth broffesiynol sydd â phrofiad addas.

Bydd swydd newydd Datblygwr Adnoddau Addysgol Fferylliaeth ac Arweinydd Rhaglen y Gymraeg yn darparu cymorth cynllunio gweithredol a strategol i’r Pennaeth Datblygu Rhaglenni wrth lunio rhaglen adnoddau addysgol Fferylliaeth AaGIC yn y Gymraeg yn unol â’i chomisiynau.

Bydd deiliad y swydd yn arwain y gwaith o weithredu safonau’r Gymraeg o fewn yr adnoddau addysgol ac yn adeiladu rhwydwaith o randdeiliaid lleol i ymgynghori â nhw ynghylch anghenion dysgu penodol y gweithlu fferylliaeth.

Os ydych chi'n chwilio am her newydd gyffrous i weithio o fewn sefydliad sy'n ymroddedig i arloesi, gwella ac addysg a hyfforddiant o ansawdd uchel, yna gallai'r swydd hon fod ar eich cyfer chi.

Mae'r gallu i siarad ac ysgrifennu Cymraeg yn hanfodol ar gyfer y swydd hon

Prif ddyletswyddau'r swydd

Arwain ac adeiladu rhwydwaith o randdeiliaid lleol i ymgynghori â nhw ynghylch anghenion dysgu penodol y gweithlu fferyllol 

Rhwydweithio a chyfathrebu, gydag ystod eang o randdeiliaid o fewn y proffesiwn fferylliaeth a’r GIG ehangach ar lefel strategol a gweithredol i gasglu gwybodaeth gymhleth am feysydd ymarfer clinigol a phroffesiynol i lywio gwaith datblygu adnoddau addysgol fferyllol

Arwain y gwaith o weithredu safonau’r Gymraeg o fewn yr adnoddau addysgol a ddatblygwyd yn annibynnol gyda’r holl randdeiliaid allweddol er budd gwella gwasanaethau wrth ddarparu gofal cleifion

Recriwtio a chydweithio ag arbenigwyr clinigol i gytuno a dylunio cynnwys gofynnol ar gyfer adnoddau addysgol lle gall pynciau fod yn gymhleth iawn eu natur, yn cynnwys sgil sensitif a chynhennus iawn

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?