HealthJobsUK

Trosolwg o'r swydd

Uned Cymorth Ailddilysu

Mae'r Uned Cymorth Ailddilysu yn uned broffesiynol o fewn Addysg a Gwella Iechyd Cymru (AaGIC) sy'n ceisio cefnogi a gwella safonau proffesiynol ledled Cymru.  Mae'r Uned yn gyfrifol am y canlynol:

• Rheoli'r Broses Arfarnu Meddygon Teulu ar gyfer pob meddyg teulu yng Nghymru ar ran y Byrddau Iechyd.
• Arwain ar systemau Rheoli Ansawdd Arfarnu Meddygol a darparu cymorth ar gyfer Ailddilysu Meddygol.
• Darparu digwyddiadau Datblygiad Proffesiynol Parhaus, hyfforddiant wyneb yn wyneb a dysgu/adnoddau ar-lein.
• Datblygu a rheoli systemau ar-lein i gefnogi arfarnu ac ail-ddilysu
• System Arfarnu ac Ailddilysu Meddygol (MARS) - platfform arfarnu ar-lein soffistigedig a ddefnyddir gan dros 7,000 o feddygon, arfarnwyr, rheolwyr Byrddau Iechyd a Chyfarwyddwyr Meddygol i hwyluso'r broses arfarnu meddygol flynyddol, ac i gefnogi meddygon a chyflogwyr i fodloni gofynion ail-ddilysu.
• Orbit360™ – system i hwyluso adborth aml-ffynhonnell i Feddygon fel rhan o'u gofynion ail-ddilysu.

Rydym am penodi 8 meddyg teulu brwdfrydig i ymuno â'r tîm fel Arfarnwyr Meddygon Teulu rhan-amser (1 sesiwn yr wythnos). Mae arfarnwyr yn chwarae rhan hanfodol wrth hwyluso arfarnu meddygon teulu yng Nghymru, gan gynnal arfarniad gan gymheiriaid ar lefel leol. 

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Prif ddyletswyddau'r swydd

Bydd yr ymgeisydd llwyddiannus yn ymgymryd ag o leiaf 20 o arfarniadau bob blwyddyn ac yn gweithio'n agos gyda'u cyd-Arfarnwyr Meddygon Teulu a Chydlynydd Arfarnu i drafod diweddariadau allweddol a materion sy'n ymwneud ag arfarnu ac ail-ddilysu. Bydd y rôl yn gofyn am gymryd rhan mewn hyfforddiant cychwynnol parhaus a gloywi i gefnogi datblygiad parhaus yn y rôl, a mynychu cyfarfodydd rhanbarthol a chenedlaethol.  

I fanteisio ar y cyfle cyffrous hwn byddwch yn cael eich cynnwys yn ddi-amod ar y Rhestr Perfformwyr Meddygol yng Nghymru ac yn dal Cofrestriad Y Cyngor Meddygol Cyffredinol llawn gan gynnwys trwydded i ymarfer.
 
I wneud cais cwblhewch y ffurflen gais a chynnwys tystiolaeth i gefnogi'r cymwyseddau gofynnol a nodir yn y ddogfen Canllawiau Ategol. 

Rydym yn recriwtio ar gyfer Arfarnwyr Meddygon Teulu Gorllewin Cymru, Abertawe, Gwent a Gogledd Ddwyrain Cymru, felly nodwch eich dewis ardal yn eich cais . 

Cyfweliadau: 26 Gorffennaf 2024

Os yn llwyddiannus yn y cyfweliad, rhaid i bob ymgeisydd gwblhau hyfforddiant Gwerthuswr Meddyg Teulu a ymsefydlu ar 12 a 13 Medi, cyn dechrau yn y rôl. Darperir rhagor o wybodaeth yn dilyn y cyfweliad.

Ein dyhead i’w parhau i fod yn gyflogwr rhagorol ac yn lle gwych i weithio sydd wedi ymrwymo i gael gweithlu amrywiol sy’n adlewyrchu ein defnyddwyr gwasanaeth a phobl a chymunedau Cymru.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd. Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?