HealthJobsUK

Trosolwg o'r swydd

Mae hwn yn gyfle cyffrous i ymuno â’n Tîm Dysgu Digidol sy’n gweithio ar amrywiaeth o ddatblygiadau prosiect cyffrous, sy’n cynnwys datblygu creu cynnwys dysgu a fframweithiau cymhwysedd a darparu cymorth i’n System Rheoli Dysgu newydd.  

Gan weithio’n agos gyda’r tîm Dysgu Digidol a chydweithwyr AaGIC, byddwch yn nodi eu gofynion dysgu gyda rhanddeiliaid allweddol ac wedyn yn eu helpu i ddatblygu cynllun priodol i gyflwyno E-ddysgu deniadol a allai fod ar sawl ffurf megis cynnwys dysgu rhyngweithiol, fframweithiau cymhwysedd, cynnwys fideo a statig a gweminarau.

Mae'r swydd hon am gyfnod penodol/secondiad am 21 mis oherwydd cwrdd gofynion y gwasanaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Prif ddyletswyddau'r swydd

Bydd hyn yn cynnwys cwmpasu prosiectau, argymell atebion priodol, gweithio'n agos gyda rhanddeiliaid allweddol, rheoli canlyniadau prosiectau i'w cyflawni'n llwyddiannus, hyfforddi rhanddeiliaid, a darparu cymorth System Rheoli Dysgu i gydweithwyr a dysgwyr AaGIC.

Defnyddiwch eich cefndir E-ddysgu cryf i'n helpu i gyflwyno cynnwys deniadol i'n gweithlu amrywiol.  

·       Defnyddiwch eich sgiliau dylunio cyfarwyddiadol i ddarparu cynnwys deniadol sy'n cyflawni canlyniadau dysgu.

·       Byddwch yn dangos profiad o weithio gydag amrywiaeth o offer awduro cynnwys fel Articulate Storyline/360.

·       Dealltwriaeth dda o Systemau Rheoli Dysgu

·       Profiad o gefnogi digwyddiadau gweminar dysgu rhithwir

·       Byddai gwybodaeth am ddatblygu fframweithiau cymhwysedd yn ddymunol

Cyfleoedd rheolaidd i ddatblygu sgiliau trwy hyfforddiant a mynychu cyrsiau.

I wneud cais cwblhewch y ffurflen gais ar Swyddi GIG sy'n gorfod cynnwys tystiolaeth i gefnogi'r ymddygiadau gofynnol a nodir yn y fanyleb person. 

 Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

 Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm 

Derbyniodd AaGIC Wobr HPMA ar gyfer Ymgysylltu â Gweithwyr yn 2019. 

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

 Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?