HealthJobsUK

Trosolwg o'r swydd

A ydych chi eisiau helpu i lunio gweithlu’r GIG yng Nghymru yn y dyfodol? Os felly, mae gennym gyfle cyffrous i Uwch Ddatblygwr Dangosfwrdd a Warws ymuno â’n tîm Data a Dadansoddeg cyfeillgar a chefnogol o fewn Addysg a Gwella Iechyd Cymru.  Rydym yn dîm sy’n tyfu gyda chylch gwaith eang sy’n darparu cymorth dadansoddol yn fewnol ac yn allanol ar draws GIG Cymru.  Ein cenhadaeth yw grymuso GIG Cymru i wneud gwell penderfyniadau a yrrir gan ddata.

Bydd deiliad y swydd yn gyfrifol am ddatblygiad technegol a chynnal a chadw datrysiadau adrodd warws gwybodaeth AaGIC. Bydd hyn yn cynnwys defnyddio'r holl dechnolegau sydd ar gael, er enghraifft, technolegau Power BI, Dax ac MS SQL i gefnogi mynediad di-dor i ystod eang o adnoddau gwybodeg ac adroddiadau trwy'r Porth Gwybodaeth.   Bydd gofyn i ddeiliad y swydd weithio'n agos gyda rhanddeiliaid i gwmpasu, dylunio a chreu cynnwys sy'n ateb cwestiynau busnes allweddol a darparu datrysiadau gwybodaeth busnes ar sail tystiolaeth gan ddefnyddio un fersiwn o'r llwyfan data gwirionedd.

Prif ddyletswyddau'r swydd

Bydd deiliad y swydd yn gyfrifol am gwmpasu datblygiad a chyflwyniad datrysiadau gwybodaeth busnes Power BI a fydd yn darparu mewnwelediad gweithredol i ddefnyddwyr o fewn Addysg Gwella Iechyd Cymru a rhanddeiliaid eraill.

Gan ddefnyddio data o warws Data AaGIC a'r Ecosystem Data, bydd deiliad y swydd yn gweithio'n agos gyda thîm datblygu AaGIC a pherchnogion problemau i greu dangosfyrddau sy'n ateb Cwestiynau Busnes Allweddol ac yn galluogi gwneud penderfyniadau sy'n seiliedig ar ddata.

Byddwch hefyd yn gyfrifol am greu datrysiadau cudd-wybodaeth busnes yn unol â gweithdrefnau gweithredu safonol gan sicrhau bod safonau data ac elfennau ansawdd data yn ogystal â phwyntiau cynnal a chadw ac adolygu parhaus yn arwain at gynhyrchion o ansawdd y gellir eu defnyddio.

Bydd angen i chi feddu ar brofiad sylweddol o weithio o fewn amgylchedd gwybodaeth, gan ddehongli cysyniadau gwybodeg hynod gymhleth ochr yn ochr â gwybodaeth ymarferol am Warysau Data, Cronfeydd Data perthynol, a systemau gwybodaeth, ynghyd â sgiliau TG a dadansoddol ac ystadegol uwch a phrofiad gyda gwybodaeth am offer TG megis, MS SQL, Power BI, DAX.

Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?