HealthJobsUK

Trosolwg o'r swydd

Mae gennym gyfle cyffrous o fewn tîm Llywodraethu Gwybodaeth y Gyfarwyddiaeth Glinigol ar gyfer Swyddog Gwasanaeth Cymorth Llywodraethu Gwybodaeth y Swyddfa Diogelu Data. Cynigir y swydd hon ar sail Cyfnod Penodol/Secondiad tan 23 Awst 2025.   

Os oes gennych ddiddordeb mewn gwneud cais ar gyfer y swydd ar sail secondiad, mae’n rhaid i chi gael caniatâd gan eich rheolwr llinell presennol cyn i chi wneud cais am y swydd hon. 

Bydd y rôl yn gofyn am rywfaint o wybodaeth am Lywodraethu Gwybodaeth, Diogelu Data a Chyfrinachedd, er mwyn rhoi cyngor ac arweiniad proffesiynol i’n practisiau meddygol cyffredinol a’n fferyllfeydd cymunedol tanysgrifiedig. 

Yn ddelfrydol bydd gennych gymhwyster cydnabyddedig neu brofiad mewn Llywodraethu Gwybodaeth, er y bydd ymgeiswyr sydd â dealltwriaeth eang yn cael eu hystyried.   

Byddwch yn gweithio fel rhan o dîm deinamig a chyfeillgar i godi proffil diogelu data a llywodraethu gwybodaeth trwy gefnogi Practisiau Meddygol Cyffredinol ledled Cymru.  

Bydd y rôl hon wedi’i lleoli yn unrhyw un o’n swyddfeydd IGDC.   

Mae opsiynau rhan-amser, rhannu swydd a/neu weithio hyblyg (gan gynnwys gweithio gartref) hefyd ar gael.

Prif ddyletswyddau'r swydd

Fel pwynt cyswllt allweddol ar gyfer ymholiadau gwasanaeth, rhaid i’r ymgeiswyr delfrydol fod yn ddeinamig a bod ag agwedd hyblyg at weithio, ynghyd â sgiliau cyfathrebu a threfnu rhagorol, er mwyn darparu gwasanaeth o’r radd flaenaf.   

O ddydd i ddydd byddwch yn gyfrifol am gefnogi practisau meddygol cyffredinol a fferyllfeydd cymunedol gyda’u hymholiadau cyffredinol, darparu hyfforddiant, archwilio prosesau a datblygu deunyddiau cymorth.  

Mae profiad o Lywodraethu Gwybodaeth y GIG a/neu weithio mewn lleoliad Gofal Sylfaenol yn ddymunol ond nid yn hanfodol.  

Oherwydd daearyddiaeth ac ehangder ein gwasanaeth, bydd gofyn i chi fod ag ymagwedd hyblyg tuag at weithio ac yn gallu teithio yn achlysurol i wahanol safleoedd ledled Cymru yn ôl yr angen; efallai y bydd angen aros dros nos ar gyfer hyn.

Gweithio i'n sefydliad

Mae Iechyd a Gofal Digidol Cymru (DHCW) yn rhan o deulu GIG Cymru ac mae ganddo rôl bwysig wrth newid y ffordd y darperir gwasanaethau iechyd a gofal trwy dechnoleg a data. Mae’r sefydliad yn cefnogi staff rheng flaen gyda systemau modern a mynediad at wybodaeth bwysig am eu cleifion, wrth rymuso pobl Cymru i reoli eu hiechyd eu hunain trwy wasanaethau digidol GIG Cymru.

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.

Ymunwch â'n tîm trawsnewidiol sy’n achub bywydau a dechrau gwneud gwahaniaeth go iawn i wasanaethau iechyd a gofal yng Nghymru.