HealthJobsUK

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 18 MIS OHERWYDD CWRDD GOFYNION Y GWASANAETH. 

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Mae Cymru wedi cychwyn ar brosiectau a rhaglenni cyffrous, newydd i drawsnewid rhagnodi electronig ar draws pob lleoliad gofal. Dan arweiniad Iechyd a Gofal Digidol Cymru, mae’r rhaglen Moddion Digidol yn gweithio gyda Byrddau Iechyd, darparwyr gofal sylfaenol a rhanddeiliaid eraill i ddigideiddio prosesau rheoli meddyginiaethau. Bydd hyn yn galluogi creu ac anfon presgripsiynau’n electronig ac yn ei gwneud yn bosibl i gleifion a’u darparwyr gofal gael mynediad at wybodaeth am feddyginiaethau cleifion.  

Cefnogi’r rhaglen Rhagnodi a Gweinyddu Meddyginiaethau yn Electronig (ePMA) mewn ysbytai a’r prosiect Cofnod Meddyginiaethau a Rennir, yn ogystal â dadansoddi, gofynion, ymgysylltu, newid busnes a gwybodeg glinigol. Ar y cyd ag aelodau eraill o’r Rhaglen ePMA a’r Prosiect Cofnod Meddyginiaethau a Rennir, bydd gofyn i chi arwain y gwaith o ddatblygu a gweithredu datrysiadau digidol ac ymgysylltu a chydweithio ag amrywiaeth o randdeiliaid i sicrhau bod ffyrdd newydd o weithio’n cael eu darparu er mwyn sicrhau gofal clinigol a gofal cleifion mwy diogel.  

Mae’r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg wneud cais.

Prif ddyletswyddau'r swydd

Sganio’r Gorwel: Cael y wybodaeth ddiweddaraf am dueddiadau datrysiadau digidol i lunio mapiau trywydd cynnyrch clinigol. 

Arweinyddiaeth: Darparu arweinyddiaeth glinigol. 

Arbenigedd Clinigol: Arwain buddion canlyniadau clinigol, sicrhau diogelwch cleifion, a hyrwyddo arferion gorau. 

Gwella Ansawdd: Defnyddio arbenigedd i wella prosesau a chanlyniadau. 

Rheoli Risg: Asesu a rheoli diogelwch clinigol a risgiau wrth ddylunio systemau. 

Datblygiad Proffesiynol: Cynnal gwybodaeth ar ymarfer clinigol a chyfrannu at ddatblygiad y gweithlu. 

Cyngor Strategol: Dylanwadu ar strategaeth trawsnewid digidol a chefnogi arweinwyr digidol byrddau iechyd. 

Effaith Polisi: Deall polisïau a’u heffaith ar gyflenwi digidol. 

Safonau: Cymhwyso safonau clinigol i ddigidol. 

Swyddog Diogelwch Clinigol: Goruchwylio diogelwch clinigol ar gyfer IGDC fel y penodwyd. 

Sicrhau Ansawdd: Cydweithio i fodloni gofynion clinigol. 

Ymgysylltu â Rhanddeiliaid: Rheoli disgwyliadau a blaenoriaethu datblygu ar gyfer defnyddioldeb clinigol. 

Llywodraethu: Gweithredu llywodraethu gwybodeg glinigol mewn amgylcheddau prosiect. 

Modelau Darparu Gofal: Defnyddio gwybodaeth am GIG Cymru a modelau gofal y DU ar gyfer prosiectau digidol. 

Monitro Gwasanaethau Gofal Iechyd: Defnyddio gwybodeg ar gyfer gwasanaethau gofal iechyd a gweithredu safonol. 

Ymchwil a Gwneud Penderfyniadau: Cefnogi penderfyniadau ar sail tystiolaeth wrth ddylunio datrysiadau digidol. 

Gweithio i'n sefydliad

Mae Iechyd a Gofal Digidol Cymru (DHCW) yn rhan o deulu GIG Cymru ac mae ganddo rôl bwysig wrth newid y ffordd y darperir gwasanaethau iechyd a gofal trwy dechnoleg a data. Mae’r sefydliad yn cefnogi staff rheng flaen gyda systemau modern a mynediad at wybodaeth bwysig am eu cleifion, wrth rymuso pobl Cymru i reoli eu hiechyd eu hunain trwy wasanaethau digidol GIG Cymru.

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.

Ymunwch â'n tîm trawsnewidiol sy’n achub bywydau a dechrau gwneud gwahaniaeth go iawn i wasanaethau iechyd a gofal yng Nghymru.