Crynodeb o'r swydd
- Prif leoliad
- Rhwydweithiau a Chynllunio
- Gradd
- Gradd 5
- Contract
- Parhaol: 37.5 awr yr wythnos
- Oriau
- Llawnamser - 37.5 awr yr wythnos
- Cyfeirnod y swydd
- 028-AC292-0824
- Cyflogwr
- Ymddiriedolaeth GIG Iechyd Cyhoeddus Cymru
- Math o gyflogwr
- NHS
- Gwefan
- Llawr 1af Tŷ Afon
- Tref
- Gwaelod- y- Garth, Caerdydd
- Cyflog
- £28,834 - £35,099 y flwyddyn
- Cyfnod cyflog
- Yn flynyddol
- Yn cau
- 04/09/2024 23:59
Teitl cyflogwr
![Ymddiriedolaeth GIG Iechyd Cyhoeddus Cymru logo](https://static.trac.jobs/employer-logos/200.png)
CG i'r Cyfarwyddwr Clinigol Cenedlaethol a/neu'r Dirprwy Gyfarwyddwyr
Gradd 5
Croeso i Weithrediaeth GIG Cymru, swyddogaeth gymorth genedlaethol newydd, yn weithredol o 1 Ebrill 2023
Ein pwrpas allweddol yw...
Ysgogi gwelliannau yn ansawdd a diogelwch gofal - gan arwain at ganlyniadau gwell a thecach, mynediad a phrofiad y claf, llai o amrywiad, a gwelliannau yn iechyd y boblogaeth.
I gael gwybod mwy, ewch i Weithrediaeth GIG Cymru.
Ein Gwerthoedd
Gweithio gyda'n gilydd, gydag ymddiriedaeth a pharch, i wneud gwahaniaeth
Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn y Gymraeg yn cael ei drin yn llai ffafriol na cheisiadau Saesneg. I gefnogi ein gwasanaeth i Gymru gyfan, croesawn yn fawr ceisiadau gan siaradwyr Cymraeg.
Trosolwg o'r swydd
Mae cyfle cyffrous wedi codi i ymuno â'n Tîm Cymorth Gweithredol yng Nghyfarwyddiaeth Rhwydweithiau a Chynllunio Gweithrediaeth y GIG.
Rydym yn awyddus i recriwtio dau Gynorthwyydd Personol Gweithredol i ddarparu cymorth penodol i:
· Rôl 1 - Cyfarwyddwr Clinigol Cenedlaethol a Dirprwy Gyfarwyddwr Clinigol
· Rôl 2 - Dirprwy Rwydweithiau a Dirprwy Cynllunio
Bydd y rhain yn rolau amrywiol sy'n gofyn am gyfathrebwyr hyderus sydd â sgiliau trefnu rhagorol ac sy’n drylwyr.
Disgwylir i ddeiliaid y swydd weithio'n ymreolus, blaenoriaethu gwaith gan ddefnyddio barn a blaengarwch, gan gydnabod natur proffil uchel gwaith grŵp y Cyfarwyddwyr. Yn ogystal, byddwch yn sicrhau bod yr holl waith o fewn y Tîm Cymorth Gweithredol o'r safon uchaf.
Mae'r cyfrifoldebau'n amrywiol ac yn cynnwys (ond heb fod yn gyfyngedig i) reoli dyddiaduron lluosog, trefnu a blaenoriaethu e-byst, trefnu cyfarfodydd, cynhyrchu cofnodion a chydlynu trefniadau ar gyfer cyfarfodydd a digwyddiadau yn ogystal â pharatoi gohebiaeth, adroddiadau a chyflwyniadau. Bydd gennych sgiliau trefnu a rhyngbersonol rhagorol a byddwch yn hollol fedrus wrth ddefnyddio Microsoft Office. Weithiau bydd angen dull o weithredu hyblyg arnoch i fodloni â therfynau amser tynn ac amrywiol a byddwch yn berson sy'n gweithio'n dda fel rhan o dîm.
Bydd deiliaid y swydd yn cymryd rhan yn y gwaith o ddarparu cymorth trawsgyflenwi i gyd-aelodau'r tîm ar adegau o absenoldeb salwch a gwyliau blynyddol.
Prif ddyletswyddau'r swydd
· Gweithio'n ymreolus gan gynnwys yn absenoldeb y Cyfarwyddwyr, blaenoriaethu llwyth gwaith i sicrhau bod yr holl faterion brys yn cael eu gweithredu, fel y bo'n briodol. Bydd hyn yn cynnwys ymatebion i uwch staff, gan gynnwys Aelodau'r Bwrdd a Llywodraeth Cymru.
· Trefnu a chynllunio dyddiadur ac ymrwymiadau Cyfarwyddwyr, trefnu cyfarfodydd ffurfiol a chymhleth, gan gynnwys yr holl drefniadau teithio a llety yn ôl yr angen.
· Canfod a chasglu'r holl wybodaeth berthnasol er mwyn blaenoriaethu’r fasged i mewn a gwneud penderfyniadau ar ran y Cyfarwyddwyr ynghylch gwrthdaro o ran y dyddiadur a gwahanol apwyntiadau, yn seiliedig ar wybodaeth gadarn o'r blaenoriaethau a'r dyddiadau cau sy'n gysylltiedig â'r Gyfarwyddiaeth.
· Sicrhau yr ymdrinnir â'r post a dderbynnir neu ei ailgyfeirio'n briodol ac anfon eitemau sydd angen mewnbwn gan eraill na ellir ymdrin â nhw fel arall, gan nodi'n glir unrhyw derfynau amser neu gyfarwyddiadau yn ôl yr angen i hwyluso datrysiad a blaenoriaethu cyflym. Dilyn a monitro materion sy'n cael eu dirprwyo ar gyfer eu gweithredu ar ran y Cyfarwyddwr.
· Trefnu a chynllunio cyfarfodydd a digwyddiadau fel y cyfarwyddir, gan gynnwys trefnu siaradwyr a darparu cymorth o ansawdd uchel i sicrhau eu bod yn cael eu rheoli a'u cyflwyno'n effeithiol.
Gweithio i'n sefydliad
Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.
Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.
Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.
I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)
I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)
Swydd ddisgrifiad a phrif gyfrifoldebau manwl
Bydd y Cynorthwyydd Personol Gweithredol yn darparu cymorth gweinyddol cynhwysfawr, effeithlon, trefnus a chyfrinachol i'r Cyfarwyddwr a/neu'r Dirprwy Gyfarwyddwyr ar draws pob maes cyfrifoldeb. Bydd hyn yn cynnwys rheoli cronfeydd data a defnydd lefel uwch o becynnau TG fel Word, Excel, Outlook a PowerPoint. Bydd deiliad y swydd hefyd yn darparu cymorth gweinyddol (trefnu cyfarfodydd allweddol a rhywfaint o waith rheoli dyddiaduron) i aelodau Uwch Dîm Rheoli’r Gyfarwyddiaeth.
Yn adrodd i'r Rheolwr Cymorth Gweithredol, bydd deiliad y swydd yn cefnogi cyfarfodydd lefel Gweithredol, gan weinyddu cyfarfodydd pwyllgor perthnasol ac is-bwyllgorau eraill y Bwrdd, gan gynnwys casglu, olrhain a lledaenu papurau, cymryd cofnodion ffurfiol a rheoli gweithredoedd.
Disgwylir i ddeiliad y swydd gynnal cyfrinachedd llwyr bob amser a chynrychioli'r Gyfarwyddiaeth mewn modd proffesiynol, effeithlon a chwrtais a bydd gofyn iddo arfer barn i wneud penderfyniadau cadarn gan ddefnyddio blaengarwch a lefelau o awdurdod y cytunwyd arnynt gyda'r Cyfarwyddwr.
Bydd deiliad y swydd yn gweithio ar y cyd â'r Cynorthwywyr Personol Gweithredol eraill ac yn darparu cymorth pan fo angen.
Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.
Manyleb y person
Cymwysterau a Wybodaeth
Meini prawf hanfodol
- Addysgwyd i lefel gradd, neu gymhwyster proffesiynol neu alwedigaethol (er enghraifft NVQ) neu lefel gyfatebol o brofiad o weithio ar lefel debyg mewn maes megis uwch weinyddiaeth neu reoli busnes
- Cymhwyster RSA III mewn teipio neu gymhwyster cyfatebol
- Gwybodaeth uwch o gymwysiadau meddalwedd Microsoft (Outlook, Word, Excel a PowerPoint ac ati) a MS teams
- Ymrwymiad i ddatblygiad proffesiynol parhaus.
Meini prawf dymunol
- ECDL Uwch
- Gwybodaeth am Systemau Ariannol e.e. monitro rheoli cyllidebau, prosesu anfonebau a gwaith caffael.
Profiad
Meini prawf hanfodol
- Profiad gwaith sylweddol mewn amgylchedd prysur ac arbenigedd ar draws yr ystod lawn o systemau swyddfa a gweithdrefnau gweinyddol.
- Profiad blaenorol o weithio gydag uwch arweinyddiaeth neu rolau cyfatebol.
- Profiad o weithredu a chynnal prosesau a gweithdrefnau mewnol.
- Profiad o ymdrin â data cyfrinachol a sensitif a chynnal a storio cofnodion yn briodol.
- Profiad o gynhyrchu adroddiadau gwybodaeth rheoli.
- Profiad o gymryd ac ysgrifennu cofnodion ffurfiol.
Meini prawf dymunol
- Profiad o fonitro cyllidebau a phrosesau cynllunio busnes.
- Profiad mewn rheoli prosiectau.
- Dealltwriaeth o'r GIG a'i sefydliadau partner.
Priodoleddau a Gwerthoedd Personol
Meini prawf hanfodol
- Ein gwerthoedd sefydliadol yw gweithio gydag ymddiriedaeth a pharch i wneud gwahaniaeth.
- Tystiolaeth o fyw ein gwerthoedd a chydweddu’n ddiwylliannol.
Arall
Meini prawf hanfodol
- Y gallu i deithio o fewn ardal ddaearyddol
Dawn a Galluoedd
Meini prawf hanfodol
- Lefel uchel o sgiliau cyfathrebu a chyflwyno ysgrifenedig a llafar.
- Y gallu i weithio'n ymreolus ond yn gallu adnabod pryd mae'n briodol gofyn am gyngor.
- Y gallu i flaenoriaethu llwyth gwaith a rheoli gofynion lluosog sy’n cystadlu â’i gilydd.
- Y gallu i ymdrin ag ymholiadau/cwynion cymhleth a heriol drwy ymchwilio'n effeithiol i'r materion a chynnig atebion.
- Defnydd uwch o TG a thechnoleg.
- Yn rhagweithiol ac yn ddyfeisgar.
- Y gallu i addasu i ofynion newidiol
- Galluoedd cynllunio a threfnu rhagorol, yn eithriadol o drylwyr.
Meini prawf dymunol
- Y gallu i siarad Cymraeg neu barodrwydd i ddysgu.
Gofynion ymgeisio
Mae sgiliau iaith Gymraeg yn ddymunol
Dogfennau i'w lawrlwytho
Rhagor o fanylion / cyswllt ar gyfer ymweliadau anffurfiol
- Enw
- Teri Harvey
- Teitl y swydd
- Executive Support Manager
- Cyfeiriad ebost
- [email protected]
Rhestr swyddi gyda Ymddiriedolaeth GIG Iechyd Cyhoeddus Cymru yn Gwasanaethau gweinyddol neu bob sector