HealthJobsUK

Trosolwg o'r swydd

Mae hon yn rôl gefnogol allweddol i'r Tîm Cynllunio Brys sy'n rhan o Gyfarwyddiaeth Rhwydweithiau a Chynllunio Gweithrediaeth y GIG. 

Bydd deiliad y swydd yn gyfrifol am ddarparu cymorth cynhwysfawr, cyfrinachol, gweinyddol, clerigol a busnes i'r Tîm Cynllunio Brys.

Oherwydd natur rhai o'r dogfennau y bydd gan ddeiliad y swydd fynediad iddynt bydd angen i'r ymgeisydd llwyddiannus fod yn barod i fynd drwy’r broses glirio i lefel Gwiriad Diogelwch (SC).  Bydd manylion pellach yn cael eu trafod yn y cyfweliad.

Er mwyn i chi gael eich ystyried ar gyfer y rôl hon, bydd gennych brofiad blaenorol o'r canlynol:

• Darparu cefnogaeth cynorthwyydd personol neu rôl gyfwerth.
• Rheoli dyddiadur a chymryd cofnodion yn fedrus, sy'n rhan allweddol o'r rôl.
• Y gallu i arddangos trylwyredd. 
• Sgiliau personol a rhyngbersonol rhagorol (ar lafar ac yn ysgrifenedig) a’r gallu i ymgysylltu â rhanddeiliaid ar bob lefel ledled Cymru.

Bydd deiliad y swydd yn cymryd rhan yn y gwaith o ddarparu cymorth trawsgyflenwi i gyd-aelodau'r tîm ar adegau o absenoldeb salwch a gwyliau blynyddol. Byddant yn darparu cymorth a chyngor priodol drwy rannu gwybodaeth â staff gweinyddol eraill ac uwch reolwyr yn ôl yr angen.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg wneud cais.

Prif ddyletswyddau'r swydd

Gweithio yn y tîm cynllunio Argyfyngau, gan helpu i ddatblygu, cyflwyno a gwerthuso prosiectau. Bydd deiliad y swydd yn gyfrifol am ddarparu cymorth gweinyddol, cymorth clercaidd a chymorth busnes cynhwysfawr a chyfrinachol fel rhan o adnodd gweinyddol Rhwydweithiau a Chynllunio.

Mae'n ofynnol i ddeiliad y swydd gyfathrebu a chydgysylltu â chyfarwyddiaethau, is-adrannau a rhanddeiliaid a pharatoi gwaith o fewn terfynau amser gan sicrhau cydymffurfiaeth â pholisïau sefydliadol. 

Mae hon yn rôl gymorth allweddol o ran sicrhau bod y tîm yn rhedeg yn effeithiol, gan gyfrannu at y broses o gydgysylltu a dirprwyo gwaith gan sicrhau cysondeb â'r cynllun gwaith y cytunwyd arno. 

Bydd hyn yn cynnwys cefnogi ac arwain wrth gyflwyno hyfforddiant ac ymarferion ym mhob rhan o GIG Cymru a gyda phartneriaid amlasiantaeth. 

Bydd deiliad y swydd yn datblygu gwybodaeth arbenigol er mwyn helpu i  cefnogi’r gwaith o gyflawni cynllun gwaith Cynllunio at Argyfwng Gweithredwyr y GIG.

Gweithio i'n sefydliad

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)