HealthJobsUK

Trosolwg o'r swydd

Dyma gyfle cyffrous i ymuno â ni fel Cynorthwyydd Tîm Cymorth Gwasanaeth Warws Band 2 yn Storfeydd GIG Rhanbarthol Dinbych.

Bydd deiliad y swydd yn gyfrifol am ddarparu Cefnogaeth Gwasanaethau Cwsmer i gwsmeriaid a wasanaethir gan ein Warws Rhanbarthol yn Ninbych.  Mae setiau o dasgau dyddiol i'w cyflawni megis cymorth clerigol a gweinyddol ac ymdrin â galwadau gan randdeiliaid dros y ffôn neu system Action Point mewn modd cwrtais ac effeithlon. Mewnbynnu data trwy system Oracle WMS, cysylltu â staff warws, prynu stoc yn effeithiol, codi archebion ac anghysondebau, cysylltu â chyflenwyr. 

Y patrwm gwaith sefydlog fydd 37.5 awr yr wythnos.

Prif ddyletswyddau'r swydd

 Bydd gan yr ymgeisydd llwyddiannus brofiad o weithio mewn amgylchedd swyddfa prysur ynghyd â dealltwriaeth o Gymorth Warws a Chymorth Gweinyddol o fewn cylch gwaith Cyflenwi, Logisteg a Chludiant.  Bod â’r gallu i ddarparu gwasanaeth effeithlon a phroffesiynol i fodloni amcanion PCGC. Bod yn chwaraewr tîm gyda sgiliau cyfathrebu rhagorol, a bydd gofyn iddo/iddi fabwysiadu agwedd hyblyg at unrhyw waith mae’n ymgymryd ag ef sy’n gofyn iddo/iddi weithio ar ei liwt ei hun, gan weithredu o fewn canllawiau gweithdrefnol hefyd. Cysylltu â staff mewnol ar bob lefel, rhanddeiliaid a chyflenwyr allanol. Wedi cael profiad o weithio mewn amgylchedd swyddfa prysur, a bod yn hyddysg mewn TG.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg wneud cais.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.